PAMUNGKAAN 6:2 - BIBEL JAMITA NA DENGGAN

² diligi angka “anak ni Debata” ma bahaso na jeges do angka anak boru i. Gabe dibuat halahi ma anak boru por ni roha ni halahi be.

PAMUNGKAAN 6:2 ပူးပေါင်းရင်းမြစ်များ

PAMUNGKAAN 12:11

Di na laho manyalpui batas ia laho masuk tu Luat Mesir i, didok ia ma tu si Sarai dadaborunia i, “Na jeges do da rupamu.

PAMUNGKAAN 24:3

Sumpahon ma mangasahon goar ni Tuhan, Debata na mangarajai langit dohot tano, bahaso na so jalahanmu boru sian halak tano Kanaan on di si Ishak anakki.

PAMUNGKAAN 26:35

Mambaen susa do anak boru na dua i di ngolu ni si Ishak dohot si Ribka.

PAMUNGKAAN 27:46

Jadi didok si Ribka ma tu si Ishak, “Loja do da au paida-ida angka ripe ni si Esau na sian boru ni bangso na asing i. Anggo dohot noma si Jakob muse mambuat boru ni halak Het, gumonan noma da mate iba.”

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

PAMUNGKAAN 4:26

Adong ma anak ni si Set na margoar si Enos. Mamungka di hatiha i ma didok halak goar ni Tuhan Na Badia i muda maribadat tuSia.

PAMUNGKAAN 6:1

Dung mur mamarpar jolma i di tano on jana sorang angka anak boru di halahi,

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

ESRA 9:12

Dilarang angka panurirang i do nian hami marsibuatan boru dohot angka jolma i, sanga pe mangurupi halahi mambaen sonang dohot marsonang. Muda mangoloi hami, hatabohononnami ma tano i jana pateankononnami tu pomparannami salolot-lolotna.

JOB 1:6

Di na sanoli mangadop ma angka mahluk pardibanua ginjang tu Tuhan jana dohot ma mangihut di tonga-tonga ni halahi Sibolis.

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

HARURUAR 34:16

Muda dialap hamu boru ni halahi gabe parumaenmu, jana markarosuan ma angka daboru i mangihutkon debata ni halahi, gabe elek-elekon ni halahi ma angka anakmi anso dohot markarosuan mangihutkon debata ni halahi.

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

MALEAKI 2:11

Dilaosi Juda parjanjian ni halahi dohot Debata, jana dibaen halahi pangalaho na jorbut di Jerusalem dohot di sude luat i. Dipahodar halahi do Inganan Na Badia na nihaholonganNia i. Dibuat halahi do angka boru na marsomba tu angka debata ni bangso sileban.

MALEAKI 2:15

Nada he na dung dibaen Debata hamu sapamatang dohot satondi dohot dadaboru i? Ahe dehe maksud ni Tuhan disi? Nada asing sian sada maksud, i ma anso maruli dakdanak hamu na tutu situtu bangso ni Debata. Jadi, tangkas parrohahon hamu; ulang jabat adong sian hamu na manguba janji sian dadaboruna.

1 KORINTUS 7:39

Muda adong sada dadaboru na marbagas, salolot mangolu halaklahina i tarihot ma ia tusi. Tapi muda dung jumolo halaklahina i, tola do ia marbagas mangulahi tu halaklahi por ni rohania; asal ma parsaripeon ni halak Kristen parsaripeon i.

2 KORINTUS 6:18

Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.