PAMUNGKAAN 6:17 - BIBEL JAMITA NA DENGGAN

¹⁷ ParoonKu ma aek na oto di tano on laho mamatehon sanga aha na mangolu, sude na di tano on angkon mate,

PAMUNGKAAN 6:17 ပူးပေါင်းရင်းမြစ်များ

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

PAMUNGKAAN 6:13

Jadi didok Debata ma tu si Noak, “Madung putus di rohangKu, paujungonKu ma sude ngolu ni jolma. MatehononKu noma halahi, angke madung gok na satano on hajahaton ni halahi.

PAMUNGKAAN 6:16

Martarup ma baen kapal i jana holang-holang ni tarup i tu dindingna i baen ma 44 sentimeter. Tolu tirket ma baen kapal i jana baen ma sada pintu di tonga-tonga ni bujurna i.

PAMUNGKAAN 6:7

jabat didok Ia, “Huabiskon noma jolma na Hutompa on, dohot sude binatang bope angka unggas i, harana manyosal do Au manompa halahi.”

PAMUNGKAAN 7:15

Sada ma i jantan dohot sada boru-boru sian ganop horong ni mahluk na mangolu na masuk tu kapal i rap dohot si Noak,

PAMUNGKAAN 7:17

Laing songon i ma aek na oto i manutupi tano on opat pulu ari honokna, jana manaek ma aek i lopus mumbang kapal i.

PAMUNGKAAN 7:4

Pitu ari nari paroonKu ma udan na so ra sumirsir opat pulu ari opat pulu borngin lolotna anso abis sude sandok na mangolu na Hutompa i.”

PAMUNGKAAN 9:9

“Saonnari baenonKu ma parjanjian dohot hamu bope dohot pomparanmunu,

JOB 22:16

Dibuatkon do halahi dompak so dapot hatihana, jana diayupkon aek dompak di banjirna.

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

MASMUR 29:10

Guru di kuaso ni Tuhan do aek na oto, jana Ia do na mamarenta salolot-lolotna, Ia do.

HARURUAR 14:17

PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

JESAYA 54:9

“Di hatiha ni si Nuh marjanji do Au, na so bonomon ni aek na oto be tano on. Saonnari marjanji Au na so muruk be sanga mangondam hamu bagi hum sanoli pe.

JEHESKIEL 34:11

Didok Tuhan Debata i ma, “Au sandiri noma manjalahi angka biri-biringKi jana pature-ture halahi,

JEHESKIEL 34:20

Hara ni i, Au Tuhan Debata mandok tu hamu, ale angka biri-biri na mokmok, na giot ro ma Au manguhumi di tonga-tonga ni biri-biri na gogo dohot biri-biri na gale.

JEHESKIEL 5:8

Jadi, Au Tuhan Debata mandok, bahaso musumu do Au. UhumanKu ma ho di adopan ni angka bangso.

JEHESKIEL 6:3

Jana dohononmu ma: Hamu ale angka dolok ni Israel, tangihon hamu ma tona ni Tuhan Debata! Songon on do hata ni Tuhan Debata tu angka dolok, angka holbung, angka tor, angka rura, “Ligi ma Au parohon tu hamu porang anso mago angka inganan panyombaan ni gana-ganaanmunu.

HOSEA 5:14

Songon singa na manyoro, songon i ma baenonKu marsurage Israel dohot Juda. Au sandiri do na giot manyibak-nyibak halahi lalu Hutadingkon. Muda Husarat halahi kehe, sada pe nada adong tarbaen palua halahi.

HAMALIMON 26:28

mardongan muruk aloonKu hamu. Dung i Huuhum hamu pitu noli dumokdok sian na parjolo i.

AMOS 9:6

Dibangun Tuhan do bagasNia di langit i dao, dibaen Ia ojahan ni kubah di ginjang tano. Aek na sian laut ditimba Ia tu darat, Tuhan do na mambaen i sudena.

MATEUS 24:39

Jadi di na nitondong ni banjir i halahi sude, disi pe anso tarhalak halahi taringot tu na masa i. Laing songon i muse ma na giot masa, muda ro Anak Ni Jolma i.

LUKAS 17:27

Na mangan minum do halahi, marbagas dohot na pabagaskon lopus di ari hamamasuk ni si Noak tu bagasan parau i; dung i ro ma aek na oto mangagohon halahi sudena.

SURAT NI SI PAULUS TU PARLAGUTAN ROM 5:21

anso songon dosa na mangarajai di bagasan hamatean, songon i muse mangarajai asi ni roha markite-hite hatigoran tu ngolu na manongtong, markite-hite Jesus Kristus Tuhanta i.

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

1 PETRUS 3:20

i ma tondi ni angka halak na so mangoloi tu Debata hatiha i salolot paulihon paraunia i si Noak. Hape hum halak na di parau i sajo do – salapan halak do sudena – na malua sian aek na oto i.

2 PETRUS 2:5

Songon i muse do dohot tu portibi nahinan; nada patolaon ni Debata malua sian uhuman. Disuru Debata do aek na oto tu portibi on na niinganan ni angka jolma na so ra porsaya tu Debata di hatiha i. Hum si Noak rap dohot sipitu halak nari sajo ma na malua, hara ni na nipaboania barita taringot tu ngolu na tumbuk di roha ni Debata.