PAMUNGKAAN 6:13 - BIBEL JAMITA NA DENGGAN

¹³ Jadi didok Debata ma tu si Noak, “Madung putus di rohangKu, paujungonKu ma sude ngolu ni jolma. MatehononKu noma halahi, angke madung gok na satano on hajahaton ni halahi.

PAMUNGKAAN 6:13 ပူးပေါင်းရင်းမြစ်များ

PAMUNGKAAN 49:5

Martinadohon do si Simeon dohot si Levi. Mangasahon hajungkatan do dipake halahi sinjatana.

PAMUNGKAAN 6:14

Baen ma sada kapal di ho sian hayu na pir; baen ma angka bilikna di bagasan jana lampis ma dohot ter sian bagasan dohot sian ruar.

PAMUNGKAAN 6:4

Di hatiha i ma, dohot dung salpu ni i adong angka jolma raksasa di tano on; i ma pomparan ni angka dadaboru sian jolma dohot angka “anak ni Debata” i. Angka ulubalang na godang-godang do jolma raksasa i boti jolma na tarbarita di hatiha narobi.

PAMUNGKAAN 7:21

Marmatean ma sude na mangolu di tano i – angka unggas, binatang dohot angka jolma.

PAMUNGKAAN 7:23

Dipatimpas Tuhan sandok na mangolu di tano on – jolma, binatang dohot unggas. Hum si Noak ma i na so mate dohot sude na rap dohot ia di kapal i.

PAMUNGKAAN 7:4

Pitu ari nari paroonKu ma udan na so ra sumirsir opat pulu ari opat pulu borngin lolotna anso abis sude sandok na mangolu na Hutompa i.”

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

JESAYA 34:1

Ro ma hamu angka bangso marlagut, jana tangihon hamu ma. Marroan ma na satano on dohot sandok na mangolu di bagasanna manangihon.

JEREMIA 51:13

Na kayo do luat i jana bahat batang aekna, tapi madung abis hatiha ni ngoluna; madung dapot ujung ni ngoluna.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.