PAMUNGKAAN 50:9 - BIBEL JAMITA NA DENGGAN

⁹ Dohot muse do angka parangan na markudo dohot na markareta, jadi gabe ginjang sajo do na kehe i mudur-udur.

PAMUNGKAAN 50:9 ပူးပေါင်းရင်းမြစ်များ

PAMUNGKAAN 41:43

Laing dipasahat raja i ma tu si Josep kareta harajaan nomor dua pakeonnia dohot pangawal hasangapan ni raja i pe mardalan ma di jolo ni kareta i, marsurak ma halahi, “Loas hamu dalan i! Paloas hamu dalan i!” Songon i ma si Josep diangkat gabe gubernur di tano Mesir sude.

PAMUNGKAAN 46:29

ditengget si Josep ma karetania tu Gosen laho mangalo-alo amangnia. Di na marsuo halahi, dihaol si Josep ma amangnia i, tangis ma ia lolot.

PAMUNGKAAN 50:10

Dung lalu halahi tu inganan pardegean na di Atat di Habincaran ni Batang aek Jordan, mangandungi ma halahi disi mangangguk godang. Dipatupa si Josep ma horja siluluton disi pitu ari honokna.

PAMUNGKAAN 50:8

Halahi na sabagas pe, dohot angka kahanggina bope angka sisolkotnia na asing laing kehe do. Hum angka dakdanak na menek-menek dohot angka pahan-pahanan ni halahi noma na tading di Gosen.

2 RAJA-RAJA 18:24

Hum maradopan dohot perwiranami na partoru pe, nada tuk dope hamu alo-aloni i. Hape diarop rohamunu ma tongoson ni Mesir bantuan kareta porang dohot pasukan na markudo!

HARURUAR 14:17

PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.

HARURUAR 14:28

Mardomu ma aek i jana dilingkupi ma sude kareta dohot halak na di kareta i maradu sude tentara Mesir na mangayak halak Israel i tu bagasan laut; umpe sahalak na mangolu sian halahi.

HARURUAR 14:7

Mardalan ma ia dohot sude karetania, adong ma onom ratus kareta na jumeges sipakeon ni angka perwirania.

ENDE NA GODANG 1:9

Hupatudos do ho haholonganku tu kudo boru-boru ni angka kareta ni si Parao.

BAENON NI ANGKA RASUL 8:2

Jadi ditanom halak na burju roha i ma bangke ni si Stefanus i, tangis ma halahi mangandungi ia.