PAMUNGKAAN 50:25 - BIBEL JAMITA NA DENGGAN

²⁵ Jadi disuru si Josep ma bangsonia i marsumpa ning ia ma, “Janjihon hamu ma tu au, muda dipimpin Debata hamu mulak tu luat i, angkon dohot do obanonmunu saring-saringku.”

PAMUNGKAAN 50:25 ပူးပေါင်းရင်းမြစ်များ

PAMUNGKAAN 50:5

‘Di na marayak marujung ngolu ni amanta hami, disuru ia do anso hujanjihon tusia mandok angkon dikuburkon ia di bagasan kuburan na dung sidung diparade ia di tano Kanaan. Jadi hara ni i, na mangido isin ma au di raja i anso kehe au jolo manguburkon damang i. Dung sidung, manigor mulak pe au.’ ”

HARURUAR 13:18

Balikna do, dioban Debata halahi marhaliang mamolus parhorsihan torus tu Laut Rara. Marsinjata be do halak Israel i songon na giot marporang.

HARURUAR 13:19

Dioban si Musa do holi-holi ni si Josep, angke dompak di ngolunia madung dibaen halak Israel marsumpa laho patuluskon songon i. Didok si Josep do, “Muda dung dipalua Tuhan hamu, angkon obanonmunu do bangkengku sian inganan on rap dohot hamu.”

HARURUAR 3:17

Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

BAENON NI ANGKA RASUL 7:16

Anggo holi-holi ni halahi dioban do muse tu Sikem jana dikuburkon ma di kuburan na nitobusan ni si Abraham dohot hepeng sian angka anak ni si Hemor na di Sikem i.

IBRANI 11:22

Hara ni haporsayaan, di na giot mate si Josep, dibaritahon ia do taringot tu haruruar ni halak Israel. Laing ditonahon ia hian do sibaenon taringot tu holi-holinia.

JOSUA 24:32

Saring-saring ni si Josep na nioban ni halak Israel sian Mesir, ditanom ma di Sikem, di tano na nitobusan ni si Jakob mararga saratus potong hepeng perak sian angka anak ni si Hemor, amang ni si Sikem. Jana dipateankon do tano i tu angka pomparan ni si Josep.

RUT 1:6

Dung adong sadia lolot dibege si Naomi ma na dung mamasumasu Tuhan tu bangsoNa marhite suha ni panen na denggan. Jadi hara ni i gabe disangkaphon si Naomi ma laho kehe rap dohot parumaennia na dua i manadingkon Moab.