PAMUNGKAAN 50:24 - BIBEL JAMITA NA DENGGAN

²⁴ Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

PAMUNGKAAN 50:24 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 13:15

lehenonKu ma tu ho dohot tu pomparanmu sude tano na niidami anso gabe ho nampunasa salolot-lolotna.

PAMUNGKAAN 13:17

Saonnari pe, kehe ma ho, haliangi ma sude tano i harana na giot lehenonKu ma i di ho.”

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

PAMUNGKAAN 15:7

Dung i didok Tuhan ma tusia, “Au ma da Tuhan na mangiring-iring ho ruar sian tano Ur na di Babilonia, anso Hulehen luat on gabe tanomu.”

PAMUNGKAAN 15:8

Tapi disapai si Abram ma, “Iale Tuhan Debata, bia ma hubaen mamboto paboa na giot au nampuna tano i?”

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

PAMUNGKAAN 21:1

Dipasupasu Debata ma si Sara, songon na nijanjihonNa i.

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

PAMUNGKAAN 35:12

Luat na dung hulehen tu si Abraham, tu si Ishak, hulehen ma i di ho dohot di pomparanmu.”

PAMUNGKAAN 46:4

Kehe ma Au tu Mesir rap dohot ho, jana boanonKu ma pomparanmi mangulahi tu luat on. Di lambungmu do si Josep muda dumpang ma hatihana tutuponmu matamu.”

PAMUNGKAAN 47:29

Di na mur donok hatihana marujung ngoluna, dipiohon ia ma si Josep anaknia i, didok ia ma hatania, “Baen ma tanganmi tu holang-kolang ni hae-haengkon jana sumpahon ma na so kuburkononmu au di tano Mesir on.

PAMUNGKAAN 48:21

Jadi didok si Jakob ma tu si Josep, “Songon na niidamu, donok noma da ajalku; tapi laing donganan ni Debata do hamu jana obanonNa mulak tu luat ni ompungmunu.

PAMUNGKAAN 50:5

‘Di na marayak marujung ngolu ni amanta hami, disuru ia do anso hujanjihon tusia mandok angkon dikuburkon ia di bagasan kuburan na dung sidung diparade ia di tano Kanaan. Jadi hara ni i, na mangido isin ma au di raja i anso kehe au jolo manguburkon damang i. Dung sidung, manigor mulak pe au.’ ”

JOB 30:23

Huboto do, na niboanMu au tu hamatean, inganan pangaluhutan ni sude na marhangoluan.

HARURUAR 12:41

Di ari parpudi di taon pa 430 hon i, sude ma bangso ni Debata maninggalkon tano Mesir.

HARURUAR 12:51

Di ari i ma dioban Tuhan halak Israel i ruar sian tano Mesir songon sada parangan.

HARURUAR 13:19

Dioban si Musa do holi-holi ni si Josep, angke dompak di ngolunia madung dibaen halak Israel marsumpa laho patuluskon songon i. Didok si Josep do, “Muda dung dipalua Tuhan hamu, angkon obanonmunu do bangkengku sian inganan on rap dohot hamu.”

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

HARURUAR 33:1

Didok Tuhan ma tu si Musa, “Mardalan ma ho sian on rap dohot bangso na niuluhonmu ruar sian Mesir, tu luat na Hujanjihon mardongan sumpa tu si Abraham, si Ishak dohot si Jakob dohot tu pomparan ni halahi.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

PARJAMITA 12:5

Mabiar ma ho tu inganan na gincat jana mardalan ho angkon jamot-jamot. Obukmu pe maruba jana saratonmu patmu muda mardalan. Gabe mago ma sude hagiot dohot por ni roha. Na parayak tu ingananta na parpudi noma hita, marsiluluton ma angka jolma jana mangandungi sapanjang dalan.

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

SURAT NI SI PAULUS TU PARLAGUTAN ROM 5:12

Hara ni sada halak do dosa i masuk tu portibi on, jana hara ni dosa i ro muse ma hamatean. Jadi gabe lalu ma hamatean i mangalangkoti tu sasudena jolma manusia, harana madung mardosa sudena.

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 6:10

“Na dung dijanjihon Tuhan Debatamu do tu ompumu si Abraham, si Ishak dohot si Jakob laho mangalehen tu ho sada luat rap dohot angka kota na godang jana na jeges, jana nada ho na pajongjongkonsa.

IBRANI 11:22

Hara ni haporsayaan, di na giot mate si Josep, dibaritahon ia do taringot tu haruruar ni halak Israel. Laing ditonahon ia hian do sibaenon taringot tu holi-holinia.

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.

JOSUA 24:32

Saring-saring ni si Josep na nioban ni halak Israel sian Mesir, ditanom ma di Sikem, di tano na nitobusan ni si Jakob mararga saratus potong hepeng perak sian angka anak ni si Hemor, amang ni si Sikem. Jana dipateankon do tano i tu angka pomparan ni si Josep.