PAMUNGKAAN 50:21 - BIBEL JAMITA NA DENGGAN

²¹ Ulang gamang hamu. Sarihononku do ngolumunu dohot ngolu ni angka dakdanakmunu.” Songon i ma dibaen si Josep paposkon roha ni halahi di bagasan hata na lambok, jadi mangonai do i tu roha ni halahi.

PAMUNGKAAN 50:21 ပူးပေါင်းရင်းမြစ်များ

PAMUNGKAAN 34:3

Tapi solom do matania mida si Dina gabe por rohania sugari disia nian si Dina jana diusahahon ia ma, anso laing por muse roha ni si Dina disia.

PAMUNGKAAN 45:5

Ulang pola mabiar hamunu sanga manyolsoli hamu hara ni na nigadismunu i au. Satutuna, Debata do da na manongos au tuson parjolo sian hamu laho mangoloi dohot paluahon bahat halak.

PAMUNGKAAN 47:12

Jana dipasingkop si Josep ma haporluan ni balanjo di amangnia, di angka kahangginia dohot di sude koum sisolkotnia lopus tu na umposo pe.

PAMUNGKAAN 50:22

Laing di Mesir noma si Josep maringanan rap dohot angka kahangginia i; marumur do ia saratus sampulu taon di na marujung ngolunia.

2 JUJUR TAON 30:22

Malo-malo do antong angka halak Levi i mamimpin ibadat tu Tuhan, jabat do dipuji si Hiskia halahi. Dung adong pitu ari lolotna halahi na manghaulkon haul i dohot na mandok tarimakasi i tu Tuhan, Debata ni ompu ni halahi,

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

MATEUS 5:44

Tapi saonnari Au mandok di hamu: Haholongi ma alomu jana tangiangkon ma halak na mamparkanciti ho,

MATEUS 6:14

Muda disesa hamu halak na marsala tu hamu, sesaon ni Amangmunu na di banua ginjang i muse ma salamunu.

1 TESSALONIKA 5:15

Jagohon hamu ma anso ulang adong sanga ise na mambaloskon hajahatan dohot hajahatan. Usahohon hamu ma anso tarbaen hamu na denggan sama hamu bope tu halak sudena.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

HAKIM-HAKIM 19:3

kehe ma halaklahinia i maroban sada hatoban dohot dua halode laho mandapoti dadaborunia i anso mulak tusia. Dung lalu disi, dioban dadaborunia i ma ia tu amangnia i. Disi diida amang ni anak boru i halaklahi ni borunia i, jop ma rohania manjagitsa,