PAMUNGKAAN 50:15 - BIBEL JAMITA NA DENGGAN

¹⁵ Jadi dung jumolo amang ni halahi i, didok angka kahangginia i ma, “Bia do betak sai hosom dope roha ni si Josep mida hita jana betak na sangkapkononnia do dalan mamaloskon tu hita sude hajahatan na tabaen i tusia najolo i?”

PAMUNGKAAN 50:15 ပူးပေါင်းရင်းမြစ်များ

PAMUNGKAAN 37:18

Sian na dao dope ma diida halahi si Josep, jadi dompak so lalu si Josep tu halahi, ma jolo martahi halahi jana ma putus, bunuon ni halahi ma ia.

PAMUNGKAAN 37:28

jana hatiha mamolus deba saudagar halak Midian diparuar angka angkangna i ma si Josep sian bagasan sumur i, digadiskon halahi ma ia tu halak Ismael i arga dua pulu hepeng perak. Dung i dioban angka parjagal i ma ia tu Mesir.

PAMUNGKAAN 42:17

Dung i dipamasuk ia ma halahi tu bagasan hurungan tolu ari honokna.

PAMUNGKAAN 50:14

Dung sidung ditanom si Josep amangnia i, mulak ma ia tu Mesir rap dohot angka kahangginia i dohot sude angka na mangihutkon ia di na manguburkon amangnia i.

PAMUNGKAAN 50:16

Jadi ditonahon halahi ma tu si Josep, “Dompak so marujung ngolu ni amanta,

MASMUR 14:5

Tapi tongkin nari gaor ma halahi gok habiaran dung diida halahi jolma na niurupan ni Tuhan.

MASMUR 53:5

Ligi da, gaor hara ni biar ma angka musu ni bangso ni Debata, nada jungada dope dihilala halahi songon i hagaoran, harana giot sarsarkonon ni Debata ma angka holi-holi ni halahi ditulak Debata do halahi, gabe ditaluhon ma halahi.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

HAMALIMON 26:36

Angkon tarbuang do hamu muse tu luat na leban, baenonKu habiaran tu hamu pola tehe hum umbege sora ni bulung-bulung na niombus ni haba-haba pe gabe mabiar hamu. Gabe marlojong ma hamu songon na diayak di parporangan, martinggangan ma hamu di hatiha so adong musu humaliang hamu.

SURAT NI SI PAULUS TU PARLAGUTAN ROM 2:15

Pangalaho ni halahi ma na patuduhon paboa na dung tarsurat di ate-ate ni halahi angka aturan i. Dohot muse do taroktok ni halahi manyaksihon i, angke halahi sandiri pe jotjot do huhul dipasala sanga ditudu roha ni halahi.