PAMUNGKAAN 50:10 - BIBEL JAMITA NA DENGGAN

¹⁰ Dung lalu halahi tu inganan pardegean na di Atat di Habincaran ni Batang aek Jordan, mangandungi ma halahi disi mangangguk godang. Dipatupa si Josep ma horja siluluton disi pitu ari honokna.

PAMUNGKAAN 50:10 ပူးပေါင်းရင်းမြစ်များ

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

PAMUNGKAAN 50:11

Di na niida halak Kanaan horja siluluton na di Atat i, didok halahi ma, “Songon on ma lakna tongamna horja siluluton di halak Mesir!” I ma dalanna umbaen na margoar inganan i, Abel-Misraim.

PAMUNGKAAN 50:3

Opat pulu ari honokna mangkarejohon i, somal do songon i honokna mangalapuhon parmasak tu bangke. Marsiluluton ma halak Mesir hara ni si Jakob, pitu pulu ari honokna.

PAMUNGKAAN 50:4

Dung salpu na marsiluluton i, didok si Josep ma tu angka pagawe ni raja i, “Palalu hamu ma jolo tonangkon tu raja i,

PAMUNGKAAN 50:9

Dohot muse do angka parangan na markudo dohot na markareta, jadi gabe ginjang sajo do na kehe i mudur-udur.

2 SAMUEL 1:17

Dung i diendehon si Daud ma andung-andung on hara ni si Saul dohot hara ni si Jonatan,

2 SAMUEL 11:26

Dung tarbege tu si Batseba na dung marujung halaklahinia i, marsiluluton ma ia.

1 JUJUR TAON 10:12

markehean ma angka halak na umpuluk sian halahi laho mambuat bangke ni si Saul dohot angka dakdanakna i. Dioban halahi ma i tu Jabes jana dikubur halahi ma di toru ni sada hayu na godang. Jadi puaso ma halahi pitu ari lolotna.

JOB 2:13

Pitu ari pitu borngin halahi juguk di tano i, di lambung ni si Job, umpe mandok hata sangkababa, angke songon i noma boratna diida halahi sitaononnia i.

PARJAMITA 12:5

Mabiar ma ho tu inganan na gincat jana mardalan ho angkon jamot-jamot. Obukmu pe maruba jana saratonmu patmu muda mardalan. Gabe mago ma sude hagiot dohot por ni roha. Na parayak tu ingananta na parpudi noma hita, marsiluluton ma angka jolma jana mangandungi sapanjang dalan.

BILANGAN 19:11

Sanga ise na manjama bangke, ramun do ia pitu ari honokna.

BILANGAN 20:29

Dibege sude halak na bahat ma na dung mate si Harun, gabe ditangisi halahi ma ia, tolu pulu ari honokna.

BAENON NI ANGKA RASUL 8:2

Jadi ditanom halak na burju roha i ma bangke ni si Stefanus i, tangis ma halahi mangandungi ia.

PANGARATAION 1:1

Di buku on tarsurat do angka hata na nipasahat ni si Musa tu bangso Israel dompak di halongonan na di Habincaran ni Batang aek Jordan halahi. Di Rura Jordan na di lambung ni kota Sup do halahi topet, di holang-kolang ni kota Paran di sada ipar dohot kota Tafel, Laban, Haserot dohot Di-Zahab sabariba nari. (

PANGARATAION 34:8

Tolu pulu ari honokna bangso Israel marsiluluton di napa ni Moab hara ni hamamate ni si Musa.

1 SAMUEL 31:13

Dipalagut ma sude holi-holina i jana dikubur ma di toru ni hayu tamariska na di kota i. Dung i puaso ma halahi pitu ari lolotna.