On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.
Songon on ma parjojor ni tarombo ni angka ompu ni bangso Israel mamungka sian si Adam lopus tu si Noakh: Adam Set Enos Kenan Mahalalel Jared Henokh Metusalah Lamekh Noakh Adong do tolu anak ni si Noakh: Si Sem, si Ham, dohot si Jafet.
Songon on ma tarombo ni angka ompu na umpompar Jesus Kristus, pomparan ni si Daud, pomparan ni si Abraham. Sian si Abraham lalu tu si Daud dapot ma angka goar na di toru on:
Anggo halaklahi indangkon pola sai markupia, angke rupa dohot hamuliaan ni Debata do na nigambarkon ni halaklahi, dadaboru gabe hamuliaan ni halaklahi.
Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.
Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.
Di tano on, adong do amanta. Diajari amanta be do hita, jana tapasangap do amanta. Antong mur ma hape maradopkon Amanta na di banua ginjang i, tontu angkon mur umoloan ma hita tuSia anso mangolu hita.