PAMUNGKAAN 49:9 - BIBEL JAMITA NA DENGGAN

⁹ Songon singa do si Juda. Matehononna do soroanna, jana mulak tu asarna, marngeat ma ia lalu modom-modom. Nada adong umpe sahalak na puluk paorotkon ia.

PAMUNGKAAN 49:9 ပူးပေါင်းရင်းမြစ်များ

2 JUJUR TAON 9:18

Adong onom anak ni tangga ni karosi i. Dilampis do sidege-degeanna i dohot sere jana gabe sada do i dohot karosi i. Martangan-tangan do karosi i jana angkup bariba adong patung ni singa.

JEHESKIEL 19:5

Ngolngolan inangna i paintehon anakna; diboto ia muse ma na so adong be gunana paintehonsa. Gabe diajar ia ma anaknia na asing i gabe singa na ganas jana na barani.

HOSEA 5:14

Songon singa na manyoro, songon i ma baenonKu marsurage Israel dohot Juda. Au sandiri do na giot manyibak-nyibak halahi lalu Hutadingkon. Muda Husarat halahi kehe, sada pe nada adong tarbaen palua halahi.

HOSEA 5:4

Patunda ni hajahatan na nibaen ni halak Israel, nada tarbaen halahi be mulak tu Debata ni halahi. Harana na marsomba gana-ganaan noma na manggohi roha ni halahi jana nada parduli be di Tuhan.

MIKA 5:8

Taluhonon ni Israel ma angka musuna jana roncohononna i sudena.

BILANGAN 23:24

Suman do halak Israel tu singa na gogo; manyosop mudar ni musuna na disoro, salolot so songon i nada ra ia marongok.”

BILANGAN 24:9

Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

1 KORINTUS 15:24

Dung i ro ma hasisidungna. Taluhonon ni Kristus ma disi sudena pangarajaion, sude kuaso dohot hagogoon; lalu pasahatonNia ma kuaso ni harajaanNia tu Debata Amanta i.

PANGARATAION 33:20

Salaho tu Marga Gad didok si Musa: “Nipuji ma Debata na mangalehen tano i tu si Gad maradu bidang anso diingani. Inte si Gad suman tu singa laho mangaluak tangan sanga uluna.

HALUMBAAN 5:5

Dung i adong ma sahalak sian angka pangituai i na mandok tu au, “Ulang ho tangis! Ligi ma! Madung monang singa na sian horong ni si Juda i, i ma pomparan ni si Daud. Tama do Ia mambuka cap na pitu i dohot mangungkap gulungan ni buku i.”