PAMUNGKAAN 49:8 - BIBEL JAMITA NA DENGGAN

⁸ Anggo si Juda, pujion ni angka kahanggimu ma ho, jomahonmu do tangkuhuk ni musumu, jana manungkap angka kahanggimu di jolomu.

PAMUNGKAAN 49:8 ပူးပေါင်းရင်းမြစ်များ

PAMUNGKAAN 27:29

Sai gabe naposomu ma da angka bangso na marragam, jana talu ma maradopkon ho angka marga ni bangso na asing. Sai rajaanmu ma sude angka kahanggimu jana marsomba di jolomu ma pomparan ni inangmu. Sai hona bura ma sanga ise na mamurai ho jana tarpasupasu ma sanga ise na mamasumasu ho.”

PAMUNGKAAN 29:35

Dung i denggan ma mangulahi pamatang ni si Lea, jana sorang ma sada anaknia. Ning ia ma, “Anggo on, pujionku ma Tuhan.” Gabe digoar ia ma anaknia i, si Juda. Dung i manyampul ma si Lea.

PAMUNGKAAN 42:6

Hara ni jabatan ni si Josep songon gubernur di Mesir, manggadisi eme ma ia tu halak na ro sian na satano on. Jadi di na songon i, ro muse ma angka angkangnia tusia jana marsomba ma halahi di jolonia.

PAMUNGKAAN 46:12

Si Juda; dakdanaknia: Si Sela, si Peres dohot si Zerah (anak ni si Juda deba nari, i ma mandiang si Er dohot si Onan na mate di Kanaan). Dakdanak ni si Peres: Si Hesron dohot si Hamul.

2 SAMUEL 22:41

Maporus sian au dibaen Ho musungku, huabiskon sude na manghagigihon au.

2 SAMUEL 24:9

dipaboa halahi ma tu raja i suha ni pamilangion i. Bahat ni halaklahi na tarbaen gabe tentara adong do 800.000 di Israel dohot 500.000 di Juda.

2 SAMUEL 5:3

Mambaen janji ma si Daud dohot sude hatobangon ni Israel i na ro mandapotkon ia, jana dimiahi halahi ma ia gabe raja ni Israel.

1 JUJUR TAON 28:4

Madung ditodo Tuhan Debata na nisomba ni Israel au dohot pomparanku mamarenta di Israel sapanjangna. Ditodo Ia do Marga Juda anso maruli sada pamimpin, sian tonga-tonga ni Marga Juda i ditodo Tuhan ma isi ni bagas ni damang. Jana sian sude isi ni bagas ni damang, tumbuk do rohaNia manodo au jana mambaen gabe raja di ginjang ni sude Israel.

1 JUJUR TAON 5:2

Tapi sian sudena pomparan ni si Jakob Marga Juda ma na gumogo jana angka raja ni bangso Israel pe marasal sian marga i muse do.)

2 JUJUR TAON 14:8

Tentara ni Raja Asa adong do 300.000 halak Juda na marsinjatahon parince dohot tombak jana 280.000 halak Benyamin na marsinjatahon parince, sior dohot panah. Angka parajurit na barani do i sudena boti na tarlatih.

2 JUJUR TAON 15:9

Bahat do halak Efraim, Manase dohot Simeon na margabung dohot si Asa, jana maringanan ma halahi di luat na nirajaannia, harana diida halahi, ditolongi Tuhan do ia. Disuru si Asa ma sude halahi rap dohot rayat ni Juda dohot Benyamin

2 JUJUR TAON 17:2

Dibaen ia ma angka tentara di sude kota na marbenteng di Juda, dohot di luat na di balian ni kota di Juda, maradu di angka kota na nibuat ni amangnia di Luat Efraim.

2 JUJUR TAON 30:11

Tapi laing adong do antong halak na sian Marga Aser, Manase dohot Zebulon na ra ro tu Jerusalem.

MASMUR 76:1

Tarbonggal do Debata di Juda di Israel tarbarita do goarNia.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

JEHESKIEL 21:29

Gabus do parnidaan na niidamunu jana buras dohot bungkak do alatan na nipajojormunu. Na jahat do hamu jana na so hasaya jana madung donok hatihana manjagit uhuman na parpudi hamu. Ponggolkonon ni podang i ma rungkungmunu.’

BILANGAN 10:14

Ganop mardalan halahi tongtong mangihutkon barisan na somal. Angka na mardalan di toru ni mandera parsadaan na niuluhon ni Marga Juda do mardalan parjolo, dung i angka parangan marudut-udut na niuluhon ni si Nahason anak ni si Aminadab.

BILANGAN 26:20

Pomparan ni si Juda: Marga Sela, Peres dohot Zerah.

BILANGAN 26:22

Angka halaklahi sian marga-marga on 76.500 halak bahatna.

PANGARATAION 33:7

Salaho tu Marga Juda didok ia: “Tuhan, tangihon ma pio-pio ni halahi. Anso marsada dohot marga na asing mangulahi. Urupi ma halahi di paraloan, mangadopi musu ni halahi.”

IBRANI 10:13

Jadi saonnari, hum na paintehon sajo do Ia, lopus nipayakkon musuNia sudena gabe sidegean ni patNia.

IBRANI 7:14

Sude do halak mamboto i, na sian Marga Juda do anggo asal ni Tuhanta i; jana si Musa pe nada jungada didok ia marga on muda hatiha manaringoti angka malim ia.

JOSUA 10:24

jana dioban ma i tu si Josua. Dung i dipiohon si Josua ma sude halak Israel marlagut. Dung i diparentahon si Josua ma anso marroan angka panglimania na rap kehe marporang dohot ia mandegei pangkal ni rungkung ni raja-raja i. Jadi dipatulus angka tentara i ma songon i.

JOSUA 15:20

Mangihut dipajojor dison tano na dilehen tu angka marga ni Juda, baen halahi puna.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 5:5

Dung i adong ma sahalak sian angka pangituai i na mandok tu au, “Ulang ho tangis! Ligi ma! Madung monang singa na sian horong ni si Juda i, i ma pomparan ni si Daud. Tama do Ia mambuka cap na pitu i dohot mangungkap gulungan ni buku i.”

HAKIM-HAKIM 20:18

Kehe ma halak Israel tu inganan paribadatan na di Betel, lalu disapai halahi ma tu Debata, “Horong ni marga dia do sian hami angkon na parjolo situtu kehe mamorangi halak Benyamin?” Dialusi Tuhan ma, “Marga Juda.”