PAMUNGKAAN 49:28 - BIBEL JAMITA NA DENGGAN

²⁸ I ma na dua bolas marga ni Israel, jana i ma na nidok ni amang ni halahi di na mandok hata parsirangan tu halahi sada-sada be.

PAMUNGKAAN 49:28 ပူးပေါင်းရင်းမြစ်များ

PAMUNGKAAN 35:22

Di inganan i ma dipodomi si Ruben rading ni amangnia na margoar si Bilha. Tarbege ma i tu si Jakob, gabe muruk situtu ma ia. Dua bolas anak ni si Jakob.

PAMUNGKAAN 49:27

Si Benyamin, songon sorigala na manggasa-gasa. Manyogot ni ari manjomak soroanna, jana hatiha potang ari dibagi-bagi ia na nirampasna i.”

PAMUNGKAAN 49:29

Dung i martona ma si Jakob tu angka dakdanaknia, “Santongkin nari marujung mangolungku songon ompu na umpompar au. Di lambung ni halahi ma au kuburkon hamu di bagasan liang na di ladang ni si Efron halak Het i

1 RAJA-RAJA 18:31

Dibuat ia ma dua bolas batu, ganop batu ma songon wakil ni sada sian sidua bolas marga pomparan ni angka anak ni si Jakob, halak na nigoaran ni Tuhan, si Israel.

ESTER 8:11

Dipaboa di angka surat i bahaso na bolas do halak Jahudi di sude kota laho marsada dohot mambela dirina. Muda hona serang halahi dibaen angka halak na marsinjata sian bangso sanga propinsi dia pe jadi, tola do halahi mangalosa dohot mambunu angka na mangaroro i bope dadaboruna dohot dakdanakna; tola do sambolon ni halahi angka musu i lopus abis dohot mangarampas sinadonganna.

ESTER 8:7

Jadi didok Raja Ahasweros ma tu Ratu Ester dohot si Mordehai, “Tutu nian anggo si Haman madung hugantung hara ni na giot abiskononnia halak Jahudi, jana sinadongannia pe madung hulehen tu ho Ester.

ESTER 8:9

Laing di na sadari i, i ma di tanggal dua pulu tolu, bulan Siwan, dipiohon si Mordehai ma angka sekretaris ni raja i jana diparentahon ia ma halahi mambaen surat tu angka gubernur, angka bupati maradu tu angka halak na godang na di propinsi na saratus dua pulu pitu i, mamungka sian India lopus tu Sudan. Dipambaeni ma surat i di bagasan kota dohot surat ni angka propinsi i be. Laing ditongos ia muse ma surat tu halak Jahudi di bagasan hata dohot surat Jahudi.

HARURUAR 28:21

Di batu intan na dua bolas i angkon nigorgahon do sada be goar ni anak ni si Jakob na dua bolas i, laho mangwakili angka marga ni Israel.

BILANGAN 23:24

Suman do halak Israel tu singa na gogo; manyosop mudar ni musuna na disoro, salolot so songon i nada ra ia marongok.”

BAENON NI ANGKA RASUL 26:7

Laing parjanjian i do na nipainte-inte ni halak Israel na dua bolas marga i umbaen na marsitutu halahi marsomba tu Debata arian dohot borngin. Hape hara ni na huhaporsayai janji i, gabe dipasala halak Jahudi ma au.

PANGARATAION 33:1

Painte so marujung ngolu ni si Musa, utusan ni Debata i, dipasupasu ia ma marga-marga ni bangso Israel, dohot hata on:

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

HALUMBAAN 7:4

Jadi hubege do bilangan ni angka na ni cap i, 144.000 halak sian sude marga ni halak Israel i