PAMUNGKAAN 49:25 - BIBEL JAMITA NA DENGGAN

²⁵ Debata ni amangmu ma mangurupi ho, Na Gumogo i ma mamasumasu ho marhite pasupasu sian langit na di ginjang dohot pasupasu sian aek na di toru ni tano, marhite anak dohot pahan-pahanan.

PAMUNGKAAN 49:25 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 27:28

Sai dilehen Debata ma di ho ombun sian langit, jana napuma angka ladangmu baenonNa! Sai dilehen ma di ho gandum dohot anggur marlobi-lobi!

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 28:21

di au lopus mulak au tu bagas ni damang horas torkis, Ho ma gabe Debatangku.

PAMUNGKAAN 28:3

Sai dipasupasu Debata Na Gumogo i ma parsaripeonmunu jana dilehen ma di ho hagabean maranak marpahompu ho anso gabe ompu ni bahat bangso ho!

PAMUNGKAAN 32:9

Dung i martangiang ma si Jakob, “O, Debata na nisomba ni daompung si Abraham, jana na nisomba ni damang si Ishak, tangihon ma au! Ho do na marsuru au ale Tuhan, anso mulak au mangulahi tu luatku dohot tu angka koum sisolkotku. Jana dijanjihon Ho do na aturonMu sude angka na denggan di au.

PAMUNGKAAN 35:11

Jadi didok Debata ma tusia, “Au do Debata Na Gumogo. Sai gabe ma ho, marpomparan na bahat! Ruar ma sian ho angka bangso jana gabe ompung ni angka raja-raja ma ho.

PAMUNGKAAN 35:3

Morot ma hita sian inganan on jana kehe ma hita tu Betel. Pajongjongonku ma disi sada langgatan di Debata na mangurupi au di hatiha hasusaanku jana na mandongani au sanga na tu dia pe au kehe.”

PAMUNGKAAN 43:23

Didok parhobas i ma, “Ulang pola sak rohamunu disi. Ulang hamu mabiar, tontu na nipamasuk ni Debata do i mangulahi, tu bagasan harungmunu i, i ma Debata na nisomba ni amangmunu i. Na dung hujagit do garar ni ememunu i.”

PAMUNGKAAN 48:3

Didok si Jakob ma tu si Josep, “Madung dipataridahon Debata Na Markuaso i diriNa tu au di Lus na di tano Kanaan jana ma dipasupasu Ia au.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 85:12

Marsuha ma tanonta na denggan lehenon ni Tuhan ma di hita.

HARURUAR 18:4

anaknia na paduahon i dibaen ia goarna si Elieser, harana didok si Musa, “Madung diurupi Debata ni daompung au jana dipalua Ia au, gabe nada dibunu raja ni Mesir au.”

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

PANGARATAION 33:1

Painte so marujung ngolu ni si Musa, utusan ni Debata i, dipasupasu ia ma marga-marga ni bangso Israel, dohot hata on:

PANGARATAION 8:17

Jadi, ulang diambang hamu hara ni pambaenan dohot gogomunu sandiri hamu gabe mamora.

PILIPPI 4:19

Pasingkopon ni Debatangku ma sudena na hasaya di hamu mangihutkon hagabeanNia na so tarsuhat i na adong di Kristus Jesus.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.