PAMUNGKAAN 49:24 - BIBEL JAMITA NA DENGGAN

²⁴ Tapi laing hot do togu panania i, jana tangannia tong-tong margogo, hara ni kuaso ni Parmahan Na Gumogo, Debata ni si Jakob dolok batu ni Israel.

PAMUNGKAAN 49:24 ပူးပေါင်းရင်းမြစ်များ

PAMUNGKAAN 45:11

Muda di Gosen amang maringanan, tarbaen au ma pature-turehon ho amang. Adong dope lima taon nari haleon potir on, jana jagohononku ma anso ulang mate so mangan damang, dohot keluargamu bope sude pahan-pahanan ni amang.’ ”

PAMUNGKAAN 45:5

Ulang pola mabiar hamunu sanga manyolsoli hamu hara ni na nigadismunu i au. Satutuna, Debata do da na manongos au tuson parjolo sian hamu laho mangoloi dohot paluahon bahat halak.

PAMUNGKAAN 45:7

Ma ditongos Debata au tuson manjoloi hamu laho paluahon hamu dohot dalan hahomangan na songon on, boti anso adong na manjamin hatorkisanmunu dohot ginjang ni umurmunu.

PAMUNGKAAN 47:12

Jana dipasingkop si Josep ma haporluan ni balanjo di amangnia, di angka kahangginia dohot di sude koum sisolkotnia lopus tu na umposo pe.

PAMUNGKAAN 48:15

Dung i dipasupasu ia ma si Josep, didok ia ma, “Debata do na nisomba ni si Abraham dohot si Ishak, laing ia do na manogu au lopus saonnari;

PAMUNGKAAN 49:23

Kejam do angka tukang pana mamorangi ia, mamana dohot mangkojar ia.

PAMUNGKAAN 50:21

Ulang gamang hamu. Sarihononku do ngolumunu dohot ngolu ni angka dakdanakmunu.” Songon i ma dibaen si Josep paposkon roha ni halahi di bagasan hata na lambok, jadi mangonai do i tu roha ni halahi.

2 SAMUEL 5:2

Sian najolo, taran si Saul dope mamarenta hami, laing na raja i do mamimpin rayat ni Israel di parporangan. Boti muse na dung dijanjihon Tuhan do tu raja i, laing na raja i noma na mamimpin bangsona dohot na gabe raja ni halahi.”

2 RAJA-RAJA 13:16

jadi disuru si Elisa ma ia manyintak pana i. Disintak raja i ma siorna i, jana dipayakkon si Elisa ma tangannia di tangan ni raja i.

NEHEMIA 6:9

Na mancubo mambiar-biari hami ma halahi anso hami antak karejo i. Martangiang ma au, “Ale Debatangku, pargogoi ma au!”

JOB 29:20

Sai na nipuji ni halak do anggo au, jana na so unjung murak do kuasongku.

MASMUR 118:22

Batu na dung niambungkon ni tukang bangunan i, i ma na gabe batu parsuhi.

MASMUR 132:1

O Tuhan, ingot ma si Daud dohot sude pardangolannia.

MASMUR 132:2

Ulang halupahon janjinia, ale Debata ni si Jakob, haulnia na tu Ho, Tuhan Na Gumogo.

MASMUR 132:5

anggo so jolo hupasingkop bagas ni Debata ni si Jakob, inganan parmianan di Tuhan Na Gumogo i.”

MASMUR 18:1

Tuhan, Ho do haholongan ni rohangku, Ho do haroroan ni hagogoan di au.

MASMUR 18:30

Sanggam do pambaen ni Debata, janjiNia haposan do di roha. Tudos do Ia tu parince di halak na marpangondian tuSia.

MASMUR 23:1

Songon sada parmahan do Tuhan di au, nada adong hurang bagi aha di au.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 28:8

Diondihon Tuhan i do bangsoNa, diampini jana dipalua Ia do raja na nipiliNia.

MASMUR 44:7

Tapi Ho do na paluahon hami sian musunami; madung ditaluhon Ho angka halak na manghosomi hami.

MASMUR 73:23

Hape laing donok do au di lambungMu, ditiop Ho do tangan siamunku.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

MASMUR 89:1

Ale Tuhan, sai marende do au tongtong salaho tu holong ni rohaMu na manongtong. Baritahononku ma holong ni rohaMu tu ganop sundut.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

JESAYA 1:24

Hara ni i songon on ma didok Tuhan, Tuhan Na Markuaso na mangondihon Israel, “BaloshononKu ma hosom ni rohangKu tu angka alongKu, jana baenonKu ma pamaloson tu angka musungKu.

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’

JESAYA 29:24

Marsiajar mangastui ma halak na dodong, jana mangastui ma roha ni halak na sai manjua diajari.”

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JESAYA 60:16

Pature-tureon ni angka raja dohot bangso i ma ho, songon ina na marmudu-mudu anakna. Jadi botoonmu ma, Au do tutu Tuhan, na palua hamu, jana Debata ni Israel na gogo i, paluahon hamu.

ZAKARIA 10:12

PargogoanKu ma bangsongKu, oloanna jana marsomba ma halahi tu Au. Au Tuhan, mandok songon i.”

ZAKARIA 3:9

Hupayakkon ma di jolo ni si Josua pitu mata di ginjang ni batu na sasada i, na giot gorgaonKu dohot surat, ninna Tuhan Na Markuaso. Jana apuskononKu ma dosa ni luat on di bagasan sadari.

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

MARKUS 12:10

Tontu ma disise hamu ayat on di Buku Na Badia i, ‘Batu na niambungkon ni pande bagas, madung gabe batu parsuhi.

LUKAS 20:17

Dipamanat Jesus ma halahi, ning Ia ma, “Anggo songon i, aha do astuan ni ayat na di Buku Na Badia on? ‘Anggo batu na niambungkon ni angka tukang bagas i, madung gabe batu parsuhi.’

BAENON NI ANGKA RASUL 4:11

Jesus i ma: ‘Batu na niambungkon ni angka tukang bagas – i ma hamu sandiri –, hepengani i do na gabe batu parsuhi.’

SURAT NI SI PAULUS TU PARLAGUTAN ROM 14:4

Tarbia ma he hajolmaonmu umbaen na jabat diuhumi ho naposo ni halak na asing? Sanga na tungkap naposo i sanga na jongjong, inda he urusan ni tuannia i do i? Jana denggan do ia jongjong angke marguru di Tuhan do mambaen ia jongjong.

EPESUS 2:20

Hamu pe di ginjang ni ojahan na nipayakkon ni angka rasul dohot angka panurirang do hamu dipajongjong, jana Jesus Kristus ma baen batu parsuhi.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.

PANGARATAION 34:9

Digohi Tuhan ma si Josua anak ni si Nun dohot habisuhon dibaen madung ditodo si Musa ia gontinia. Mangoloi do bangso Israel tu si Josua jana didalankon halahi do angka parenta na nilehen ni Tuhan tu halahi markite-hite si Musa.

KOLOSSE 1:11

Sai dipatogu kuaso na sian Debata na gumodang i ma nian hamu, anso tahan hamu manaonkon sanga aha pe na ro, di bagasan sobar dohot jop ni roha

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

JOSUA 17:18

Buat hamu ma luat partoran, angke haru pe laing harangan dope luat i, bolas do i bukaonmunu anso gabe hamu puna sudena i. Jana anggo taringot tu halak Kanaan i do, tarpaorot hamu do i haru pe gogo halahi jana markareta porang na sian bosi.”

HAKIM-HAKIM 1:22

Kehe ma Marga Efraim dohot Manase pomparan ni si Josep mamorangi kota Betel jana diurupi Tuhan do halahi.