PAMUNGKAAN 49:1 - BIBEL JAMITA NA DENGGAN

¹ Dung i dipiohon si Jakob ma angka dakdanaknia i, didok ia ma, “Marlagut ma hamu tu lambungkon, anso hupaboa tu hamu sanga aha na giot masa tu hamu di pudian ni ari.

PAMUNGKAAN 49:1 ပူးပေါင်းရင်းမြစ်များ

MASMUR 105:15

“Ulang ganggu hamu bangso pilianKu, ulang hahua hamu angka panurirangKu!”

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

JESAYA 2:2

Angkon tarjadi ma di angka ari na parpudi, dolok inganan ni Bagas Ni Tuhan angkon jongjong di julu ni angka dolok jana tardas di ginjang ni angka dolok marudur ma tu si angka bangso.

JESAYA 22:14

Dipataridahon Tuhan, Tuhan Na Markuaso i do diriNa tu au jana didok, “Sanga na bia pe nada Huampuni be anggo hajahatan ni halahi i, lopus mate be halahi. Tuhan, Tuhan Na Markuaso do mandok i.”

JESAYA 39:6

dapot do i hatihana sandok sinadongan na di bagasan bagas godangmon dohot na nipalagut-lagut ni ompumunu lopus tu sadari on, angkaton ma i tu Babel. Nada adong na tading.

JESAYA 48:14

Marlagut ma hamu sude jana tangihon ma, ise dehe sian tonga-tonga ni halahi na paboahon sasudena i? Ia, na dihaholongi ni Tuhan i do na giot patuluskon hagiot ni Tuhan maradopkon Babel, jana na patuduhon hagogoon ni tangan ni Tuhan maradopkon halak Kasdim.

JESAYA 53:1

“Ise ma porsaya tu barita na hami bege? Tu ise ma na dung dipataridahon kuaso ni Tuhan na gok sahala?

JEREMIA 23:20

Nada ra mombun hamumurukNia i salolot so abis sude mardalan na disangkaphonNia. Di pudian ni ari muse botoon ni bangso ni Tuhan do torang taringot tusi.

DANIEL 10:1

Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.

DANIEL 10:14

Ro do au laho mambaen ho mangastui sanga aha na giot tarjadi sanoli on di bangsomu. Taringot tu hatiha na giot ro do parnidaan on.”

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

MIKA 4:1

Anggo tu angka ari na ro dolok ni Bagas Ni Tuhan tarida ma gumincat jana tigor ma i jongjong manyalpui angka dolok na gincat. Marroan ma tusi angka bangso;

BILANGAN 24:14

Didok si Bileam ma tu si Balak, “Mulak ma au saonnari tu bangsongku. Tapi taran so kehe au, giot dohononku siingotonmu sanga aha na giot baenon ni halak Israel tu bangsomu di pudian ni ari.”

LUKAS 2:26

Madung dijagit ia baga-baga sian Tondi Parbadia, na paboahon tusia bahaso na so mate dope ia anggo so jolo diida ia Kristus na nimiahan ni Tuhan.

BAENON NI ANGKA RASUL 2:17

Tulus ma di angka ari na parpudi, ninna Debata, usehononKu ma tondingKu tu sude jolma. Jadi manyurirangi ma angka anak dohot borumunu, maruli parnidaan ma angka naposo bulungmunu, marnipi ma angka simatobangmunu.

PANGARATAION 31:12

Suru ma marlagut sude halaklahi, dadaboru dohot dakdanak, dohot halak sileban na maringanan di hutamunu laho manangihon anso marsiajar halahi pasangapkon Tuhan Debatamunu, dohot manghaburjuhon mangoloi angka pangajaranNia.

PANGARATAION 4:30

Muda di bagasan hasusaan hamu, jana timpal sude parmaraan i tu dirimunu, gabe mulak tu Tuhan ma hamu ujungna jana oloanmunu ma Ia.

1 TIMOTEUS 4:1

Torang do didok Tondi i anggo tu angka hatiha na giot ro, marbalik ma deba halak sian haporsayaan i. Angka tondi na mangaliluhon noma oloan ni halahi, jana pangajaran ni angka setan noma ihutkononna,

2 TIMOTEUS 3:1

Angkon ingotonmu do on: Saulahon di angka ari na parpudi marroan ma bahat hasusaan.

IBRANI 1:2

Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.

IBRANI 13:1

Tongtong ma jagohon hamu holong maradopkon dongan!

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”