PAMUNGKAAN 48:9 - BIBEL JAMITA NA DENGGAN

⁹ “On ma dakdanakki na nilehen ni Debata tu au di Mesir on,” ning si Josep mangalusi. Didok si Jakob ma, “Padonok ma tu au anso hupasupasu halahi.”

PAMUNGKAAN 48:9 ပူးပေါင်းရင်းမြစ်များ

PAMUNGKAAN 27:4

Tabo ma jolo lompa hagiotku, jadi oban ma tu au. Dung hupangan i, lehenonku ma pasupasungku na parpudi tu ho painte so marujung ngolungku.”

PAMUNGKAAN 30:2

Gabe muruk ma si Jakob tu si Rahel, ning ia ma, “Nanggo au da Debata. Ia do na mambaen na so maruntungan ho.”

PAMUNGKAAN 33:5

Dung manaili si Esau humaliang, diida ia ma angka dadaboru dohot angka dakdanak i, jadi disapai ia ma, “Angka ise dehe donganmon?” “Angka dakdanakku do i da tuanku,” ning si Jakob mangalusi. “Madung dipataridahon Debata tu iba holong ni rohaNa jana dilehen angka dakdanak i tu au.”

PAMUNGKAAN 49:28

I ma na dua bolas marga ni Israel, jana i ma na nidok ni amang ni halahi di na mandok hata parsirangan tu halahi sada-sada be.

1 JUJUR TAON 25:5

Dilehen Tuhan do anak na opat bolas i di si Heman rap dohot tolu borunia domu tu janji ni Tuhan laho mambaen sangap disia.

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

JESAYA 8:18

On ma da au rap dohot angka dakdanak na nipasahat ni Tuhan tu au. Tuhan Na Markuaso i na mamarenta di Dolok Sion, Ia do na marsuru hami gabe angka saksi na mangolu tu halak Israel.

PANGARATAION 33:1

Painte so marujung ngolu ni si Musa, utusan ni Debata i, dipasupasu ia ma marga-marga ni bangso Israel, dohot hata on:

IBRANI 11:21

Hara ni na porsaya, di na giot mate si Jakob – disandehon ia ma tu pangkal ni tungkotnia i jana disomba ia Debata – dilehen ia ma pasupasu tu dakdanak ni si Josep.

1 SAMUEL 1:20

Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”

1 SAMUEL 1:27

Na mangido dakdanak on do au tu Tuhan, jana madung ditangihon Ia pangidoanki.