PAMUNGKAAN 48:5 - BIBEL JAMITA NA DENGGAN

⁵ Laing didok si Jakob dope, “Ale Josep, ia anakmu si Efraim dohot si Manase na sorang di Mesir on dompak so lalu dope au tuson, au do nampunasa; dakdanakku do halahi na dua dos songon si Ruben dohot si Simeon.

PAMUNGKAAN 48:5 ပူးပေါင်းရင်းမြစ်များ

PAMUNGKAAN 46:20

Di Mesir, adong ma dua anak ni si Josep, i ma si Manase dohot si Efraim na nitubuhon ni si Asnat boru ni si Potifera, malim na di Heliopolis.

PAMUNGKAAN 48:1

Dung adong sanga sadia honok, adong ma na ro paboahon tu si Josep, marnyae amangnia i. Jadi kehe ma ia mangaligi si Jakob dohot anaknia na dua i, si Manase dohot si Efraim.

PAMUNGKAAN 48:6

Betak sai adong dope tamba dakdanakmu, nada etongon be i songon dakdanakku; si Efraim dohot si Manase do haroroan ni tean-teanan di halahi.

MASMUR 77:16

Paida-ida Ho ale Debata, aek pe gabe mabiar, salang tandolan ni laut pe gabe humutur.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

JEHESKIEL 47:13

Didok Tuhan Debata i ma, “On ma batas-batas ni tano na giot bagi-bagion tu angka marga ni Israel na dua bolas i. Horong Josep manjagit dua bagian.

HAMALIMON 20:26

Madung Hupaasing hamu sian angka bangso na asing, anso gabe hum Au sajo nampuna hamu. Angkon badia do hamu angke Au do Tuhan, jana na badia do Au.

MALEAKI 3:17

Didok Tuhan Na Markuaso i ma, “Jadi gabe bangsongKu ma halahi. Di ari na Hutontuhon i, gabe hasudungan ni rohangKu ma halahi jana Au nampunasa. Ibo ma rohangKu mida halahi, songon panghasiani ni ama-ama tu anakna na marpangoloion tuSia.

2 KORINTUS 6:18

Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”

EPESUS 1:5

madung ditontuhon Ia humani do na giot baenonNia hita gabe dakdanakNia sandiri markite-hite Jesus Kristus. Jana songon i hian ma na giot baenonNia.

IBRANI 11:21

Hara ni na porsaya, di na giot mate si Jakob – disandehon ia ma tu pangkal ni tungkotnia i jana disomba ia Debata – dilehen ia ma pasupasu tu dakdanak ni si Josep.

JOSUA 13:7

Antong, saonnari bagi-bagihon ma tano i tu sisambilan marga ni Israel na asing i dohot satonga sian Marga Manase, anso gabe tano bagian ni halahi i.”