PAMUNGKAAN 48:17 - BIBEL JAMITA NA DENGGAN

¹⁷ Nada sonang roha ni si Josep di na niidania amangnia i mamayakkon tangan siamunnia i tu ulu ni si Efraim, jadi digolom ia ma tangan ni amangnia paimbarkonsa sian ulu ni si Efraim tu ulu ni si Manase.

PAMUNGKAAN 48:17 ပူးပေါင်းရင်းမြစ်များ

PAMUNGKAAN 28:8

Jadi baru pe anso diboto si Esau, hape na so tumbuk do di roha ni amangnia si Ishak boru Kanaan,

PAMUNGKAAN 38:10

Mangalapi muruk ni Tuhan do pambaenannia, gabe dibunu Tuhan muse ma ia.

PAMUNGKAAN 48:14

Tapi dipasuhar si Jakob ma tangannia jana dipayakkon ia ma tangan siamunnia i tu ulu ni si Efraim, jana tangan siambirangnia i dipayakkon ia tu ulu ni si Manase.

PAMUNGKAAN 48:18

Didok ia ma tu amangnia i, “Ulang ma songon i, amang. On do da anakku siangkaan; tangan siamunmi ma da baen tu ulunia i.”

1 RAJA-RAJA 16:25

Jumorbut dope angka dosa na nibaen ni si Omri sian angka raja na mamarenta di jolonia.

1 JUJUR TAON 21:7

Nada sonang roha ni Debata di sensus i jana diuhum Ia ma halak Israel.

PODA 24:18

Harana, pasti idaon ni Tuhan do pangalahomi jana nada jop rohana mida ho, jadi nada diuhum ia be musumu.

BILANGAN 11:1

Dung i mamungka ma sai marungut-ungut bangso i tu Tuhan hara ni angka na hurang di halahi. Dung dibege Tuhan i ungut-ungut ni halahi, gabe muruk ma Tuhan, diparo Ia ma api tu halahi. Rarat ma api i ditonga-tonga ni halahi, pola tehe puntung deba parbandaran i.

BILANGAN 22:34

Didok si Bileam ma, “Madung mardosa au. Nada huboto na jongjong do Ho di tonga dalan laho mangambat au. Jadi saonnari pe, muda sala do hutoruskon pardalananku mangihutkon pandapotMu, mulak pe au.”

SURAT NI SI PAULUS TU PARLAGUTAN ROM 9:11

Angke taran so sorang dope angka dakdanak i, jana nada podo dibaen halahi bagi aha na denggan sanga na jat, anso togu sangkap ni Debata mangihutkon pamilionNia, nada sian pambaenan tapi markite-hite pamioonNia do,

JOSUA 17:1

Deba sian luat na di Hasundutan ni Batang aek Jordan dilehen tu sabagian marga-marga pomparan ni si Manase anak siangkaan ni si Josep. Si Makir ama ni si Gilead, ia ma anak siangkaan ni si Manase, na malo do ia marporang gabe dilehen ma disia Luat Gilead dohot Basan na di Habincaran ni Batang aek Jordan.

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”