PAMUNGKAAN 48:16 - BIBEL JAMITA NA DENGGAN

¹⁶ Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

PAMUNGKAAN 48:16 ပူးပေါင်းရင်းမြစ်များ

PAMUNGKAAN 22:11

Tapi pio-pio ma surusuruan ni Tuhan sian langit tusia, “Jo Abraham, Abraham!” ninna. Dialusi si Abraham ma, “Dison do au Tuhan.”

PAMUNGKAAN 22:15

Pio-pio ma mangulahi surusuruan ni Tuhan sian langit tu si Abraham palalu tona ni Debata tu si Abraham,

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

PAMUNGKAAN 46:3

“Au do Debata, Debata na nisomba ni amangmu,” ninna. “Ulang pola mabiar ho kehe tu Mesir. BaenonKu ma gabe bangso na godang pomparanmu disi.

PAMUNGKAAN 48:5

Laing didok si Jakob dope, “Ale Josep, ia anakmu si Efraim dohot si Manase na sorang di Mesir on dompak so lalu dope au tuson, au do nampunasa; dakdanakku do halahi na dua dos songon si Ruben dohot si Simeon.

PAMUNGKAAN 49:22

Si Josep songon bona ni anggur na napu, di lambung mata mual ia tubu, angka rantingna manjurur manjarampak tu ginjang ni tembok.

2 SAMUEL 4:9

Tapi dialusi si Daud ma, “Diboto Tuhan na mangolu i do, i ma na dung paluahon au sian sandok ragam ni parmaraan, bahaso na tutu do na giot sidokkononkon.

1 RAJA-RAJA 1:29

Dung i didokkon raja i ma tusia, “Tutu do na dung hujanjihon tu ho hara ni Tuhan Debata ni Israel, angkon si Salomo anakmi do gontingku gabe raja. Jadi saonnari pe hujanjihon ma tu ho hara ni Tuhan na mangolu i, na palua au sian ragam ni hasusaanku, sadari on ma hupatulus janjingki tu ho.”

2 JUJUR TAON 7:14

dung i dipatoruk halahi roha ni halahi martangiang tu Au jana ditadingkon halahi pambaenanna na jahat i, jadi gabe tangihononKu ma tangiang ni halahi sian banua ginjang; ampunanKu ma angka dosa ni halahi jana baenonKu makmur mangulahi tano ni halahi i.

MASMUR 121:7

Jagohonon ni Tuhan ma ho sian parmaraan, jagohononNia do ho anso marhasonangan.

MASMUR 34:2

Sai giot marmoga-moga do au hara ni karejoNia, anso nian dibege halak na hona sosak i jana marjop roha.

MASMUR 34:22

Paluaon ni Tuhan ma angka naposoNa na marpangondian tuSia indangkan na hona uhuman.

MASMUR 34:7

Surusuruan Ni Tuhan manogu halak na burju marugamo, jana na paluahon halahi sian bahaya.

MASMUR 34:8

Ligi jana dai sandiri ma hadengganan ni Tuhan, martua ma sanga ise na maronding tuSia.

HARURUAR 1:7

Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

JESAYA 47:4

ninna Debata Na Badia ni Israel, Tuhan Na Markuaso do goarna.

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

JEREMIA 14:9

Biasi Ho songon halak na dut roha; songon halak na gogo na so malo mangurupi? Tapi di tonga-tonganami do Ho, Tuhan! Ulang ma tadingkon hami bangsoMon!’ ”

JEREMIA 15:21

PaluaonKu do ho sian kuaso ni angka jolma na jahat jana na kejam. Au Tuhan, madung mandok songon i.”

AMOS 9:12

Halak Israel noma markuaso di Luat Edom na teba i dohot sude angka bangso nampunangKu najolo i. Au Tuhan madung mandok songon i jana giot patulusonKu do songon i.”

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

JOHANNES 17:15

Nada Hupangido anso diparuar Damang halahi sian portibi on tapi on do na Hupangido, anso dijagohon Damang halahi maradopkon si Jahat i.

BAENON NI ANGKA RASUL 15:17

anso sude halak na teba i manjalahi Tuhan, rap dohot angka bangso na asing na so Jahudi, i ma na dung Hupiohon gabe Au puna.’ Songon i ma pandok ni Tuhan i,

SURAT NI SI PAULUS TU PARLAGUTAN ROM 8:23

Tapi nada hum i sajo, dohot do hita manjagit patumonaan ni Tondi i, humolos muse do hita di bagasan rohanta huhut painte-intehon hadakdanahan i, i ma haluaan ni pamatangta.

1 KORINTUS 10:4

jana rap siinumon partondion do diinum halahi. Rap minum sian dolok batu partondion do halahi, i ma batu partondion na mandongani halahi; Kristus sandiri do anggo batu partondion i.

1 KORINTUS 10:9

Ulang ma tauji Tuhan songon na nibaen ni halahi narobi, gabe marmatean halahi diturbingi ulok na marbisa.

PANGARATAION 28:10

Jadi gabe idaon ni bangso na satano on ma na dung dipili Tuhan ho gabe bangsoNia, jana mabiar ma halahi mida ho.

PANGARATAION 33:17

Gogo ni si Josep songon lombu harangan marribu pinompar ni si Manase, marpulu ribu pinompar ni si Efraim i ma tanduknia. Didogo ia angka bangso dionjar ia halahi lopus tu ujung ni tano.”

2 TIMOTEUS 4:18

Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

IBRANI 11:21

Hara ni na porsaya, di na giot mate si Jakob – disandehon ia ma tu pangkal ni tungkotnia i jana disomba ia Debata – dilehen ia ma pasupasu tu dakdanak ni si Josep.

JOSUA 17:17

Jadi didok si Josua ma tu Marga Efraim dohot Manase Parhasundutan i, “Tutu do i sibahat-bahat hamu boti na gogo. Jadi bagianmunu pe angkon lobi do sada.