PAMUNGKAAN 48:14 - BIBEL JAMITA NA DENGGAN

¹⁴ Tapi dipasuhar si Jakob ma tangannia jana dipayakkon ia ma tangan siamunnia i tu ulu ni si Efraim, jana tangan siambirangnia i dipayakkon ia tu ulu ni si Manase.

PAMUNGKAAN 48:14 ပူးပေါင်းရင်းမြစ်များ

PAMUNGKAAN 41:51

Didok si Josep ma, “Madung lupa au dibaen Debata di sude pardangolanku dohot tu kahanggingku.” Jadi dibaen si Josep ma goar ni anaknia siangkaan i, “Si Manase.”

PAMUNGKAAN 41:52

Didok ia muse ma, “Dilehen Debata do angka dakdanak di au di hatiha marsak au,” jadi dibaen ia ma goar ni anaknia na paduahon i si Efraim.

PAMUNGKAAN 46:20

Di Mesir, adong ma dua anak ni si Josep, i ma si Manase dohot si Efraim na nitubuhon ni si Asnat boru ni si Potifera, malim na di Heliopolis.

PAMUNGKAAN 48:13

Dung i dibaen si Josep ma anaknia sianggian i, i ma si Efraim sabola siambirang ni si Jakob jana si Manase anaknia siangkaan i sabola siamunnia.

PAMUNGKAAN 48:17

Nada sonang roha ni si Josep di na niidania amangnia i mamayakkon tangan siamunnia i tu ulu ni si Efraim, jadi digolom ia ma tangan ni amangnia paimbarkonsa sian ulu ni si Efraim tu ulu ni si Manase.

PAMUNGKAAN 48:18

Didok ia ma tu amangnia i, “Ulang ma songon i, amang. On do da anakku siangkaan; tangan siamunmi ma da baen tu ulunia i.”

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

MASMUR 118:16

Kuaso ni Tuhan mangalehen di hita hamonangan. Paltak kuaso ni Tuhan di bagasan parporangan!”

HARURUAR 15:6

Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

BILANGAN 2:18

Sabola Hasundutan, halahi angka na di toru ni mandera ni Efraim, marbandar mangihutkon tentara dohot pamimpinna, songon on ma susunanna: MARGA PAMIMPIN BAHATNA Efraim Elisama anak ni si Amihud 40.500 Manase Gamaliel anak ni si Pedasur 32.200 Benyamin Abidan anak ni si Gideoni 35.400 Sudena: 108.100 Rombongan ni Efraim angkon mardalan di pudi ni Marga Levi.

BILANGAN 8:10

Payakkonon ni halak Israel ma tangan ni halahi tu ginjang ulu ni halak Levi,

BILANGAN 8:18

Jadi saonnari na gabe gonti ni sude anak siangkaan ni Israel, Hubuat halak Levi

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

MATEUS 19:13

Adong ma angka na maroban dakdanak tu Jesus anso diampehon Ia tanganNia tu ulu ni angka dakdanak i manangiangkon halahi. Tapi digorahon anak siseanNia i ma halahi.

MATEUS 19:15

Jadi diampehon Jesus ma tanganNia tu ulu ni angka dakdanak i, dung i kehe ma Ia sian i.

MATEUS 6:5

“Muda martangiang hamu, ulang ma songon halak pangalancap. Na ringgasan halahi jongjong martangiang di angka bagas paribadatan dohot di sirpang-sirpang ni dalan, anso diida halak. Ingot hamu ma! Madung dijagit halahi upa ni halahi.

LUKAS 13:13

Dung i dipayakkon Jesus ma tanganNia tu anak boru i, jana laing di na santongkin i manigor tigor ma pamatang ni anak boru i, jana dipuji-puji ia ma Debata.

LUKAS 4:40

Dung lusut mataniari, sude halak na adong na marnyaena sanga na nyae aha pe, diparobani be ma i tu Jesus. Dipayakkon Jesus ma tanganNia tu halahi pamalumkonsa.

BAENON NI ANGKA RASUL 13:3

Dung jolo puaso jana martangiang, dipayakkon halahi ma tanganna be tu si Barnabas dohot tu si Saulus, jana disuru halahi ma si dua halak i.

BAENON NI ANGKA RASUL 6:6

Dung i dipajongjong ma halahi di jolo ni angka rasul i, dung i martangiang ma angka rasul i jana diampehon ma tanganna tu halahi.

PANGARATAION 34:9

Digohi Tuhan ma si Josua anak ni si Nun dohot habisuhon dibaen madung ditodo si Musa ia gontinia. Mangoloi do bangso Israel tu si Josua jana didalankon halahi do angka parenta na nilehen ni Tuhan tu halahi markite-hite si Musa.

1 TIMOTEUS 4:14

Ulang lalap ho mamake hasurungan na adong di ho, na nijagitmu dompak na niampehon ni angka pamimpin ni parlagutan tangan ni halahi tu ulumu.

1 TIMOTEUS 5:22

Ulang mamopoptu ho mangampehon tangan laho mangangkat sada-sada halak gabe pangoloi ni Tuhan. Muda mardosa halak, ulang ho dohot-dohotan di dosa i. Jagohon ma dirimu anso tongtong polin.