PAMUNGKAAN 48:12 - BIBEL JAMITA NA DENGGAN

¹² Dung i dibuat si Josep ma dakdanak na dua i sian ampuan ni si Jakob, jana tungkap ma ia marsomba di jolo ni amangnia i.

PAMUNGKAAN 48:12 ပူးပေါင်းရင်းမြစ်များ

PAMUNGKAAN 18:2

Di na nipadorgaknia ulunia, diida ia ma adong tolu halak jongjong di jolonia. Disi diida si Abraham halahi, marlojong ma ia laho mangalo-alo halahi.

PAMUNGKAAN 19:1

Di na lalu surusuruan sidua halak na marsuo dohot si Abraham sinangkinan i di Sodom borngin i, topet ma hatiha juguk si Lot di horbangan ni kota i. Disi diida ia halahi manigor jongjong ma ia mangalo-alo. Manungkap ma ia di jolo ni halahi,

PAMUNGKAAN 23:7

Dung i manungkap ma si Abraham di jolo ni halahi,

PAMUNGKAAN 33:3

Mardalan ma si Jakob di jolo ni halahi sude, di na mur mandonok ia mandapotkon angkangnia i, manungkap ma ia marsomba pitu noli.

PAMUNGKAAN 42:6

Hara ni jabatan ni si Josep songon gubernur di Mesir, manggadisi eme ma ia tu halak na ro sian na satano on. Jadi di na songon i, ro muse ma angka angkangnia tusia jana marsomba ma halahi di jolonia.

PAMUNGKAAN 48:11

Jadi didok si Jakob ma tu si Josep, “Inda huambang marsuo be au dohot ho, hape saonnari salang dohot dakdanakmu laing diloas Debata dope huida.”

PAMUNGKAAN 48:13

Dung i dibaen si Josep ma anaknia sianggian i, i ma si Efraim sabola siambirang ni si Jakob jana si Manase anaknia siangkaan i sabola siamunnia.

1 RAJA-RAJA 2:19

Dung i kehe ma si Batseba giot mangkatai dohot raja i hara ni si Adonia. Jongjong ma raja i mangalo-alo inangnia lalu dipaunduk ia laho mamparsangapi, dung i juguk ma ia tu habangsania. Disuru ia ma na pasingkop karosi di siamunnia juguhan ni inangnia.

2 RAJA-RAJA 4:37

Marsomba ma ina i di jolo ni si Elisa, jana dioban ia ma anaknia i tu ruar.

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

HARURUAR 34:8

Diompot si Musa ma mangalompit tot tu tano marsomba.

PODA 31:28

Mandok tarimakasi do tusia angka dakdanakna, jana halaklahinia pe mamuji ia.

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 19:32

Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.

EPESUS 6:1

Hamu angka dakdanak! Dibaen siihutkon Kristus do hamu, oloi hamu ma simatobangmunu, angke songon i do na patut baenonmunu.