PAMUNGKAAN 48:10 - BIBEL JAMITA NA DENGGAN

¹⁰ Ma rambon parnidaan ni si Jakob hara ni tobangna jana nada tangkas be diida ia. Dipadonok si Josep ma dakdanaknia i tu lambung ni si Jakob, dihaol ia ma dakdanak i jana diumma ia.

PAMUNGKAAN 48:10 ပူးပေါင်းရင်းမြစ်များ

PAMUNGKAAN 27:1

Sanoli di na dung matobang si Ishak, boti ma mapitung muse, dipiohon ia ma si Esau anaknia siangkaan i, jadi ning ia ma, “Amang!” “Olo, amang,” ning si Esau mangalusi.

PAMUNGKAAN 27:27

Di na nipadonok ni si Jakob laho mangummasa, muap pakean ni si Esau dianggo si Ishak – jadi dipasupasu ia ma si Jakob. Didok si Ishak, “Tabona i antong uap ni anakkon baya, songon dia ma uap ni padang na nipasupasu ni Tuhan.

PAMUNGKAAN 31:55

Ancogotna i manyogot dope, diummai si Laban ma angka pahompunia i, dohot borunia i tanda ni parsirangan, jana dipasupasu, lalu kehe ma ia mulak tu inganannia.

PAMUNGKAAN 45:15

Dung i tangis dope ia, dihaol ia ma sude angkangnia i jana diummai ia. Dung i baru ma manghata-hatai halahi dohot ia.

PAMUNGKAAN 48:11

Jadi didok si Jakob ma tu si Josep, “Inda huambang marsuo be au dohot ho, hape saonnari salang dohot dakdanakmu laing diloas Debata dope huida.”

PAMUNGKAAN 48:8

Di na niida ni si Jakob anak ni si Josep na dua i, disapai ia ma, “Ise dehe dakdanak on?”

1 RAJA-RAJA 19:20

Gabe ditadingkon si Elisa ma angka lombunia i jana dilojong ia ma mangkojar si Elia. Dung dapot, didok si Elisa ma, “Paloas ma au jolo marpaboa tu simatobangku, dung i ihutkononku ma ho.” Dialusi si Elia ma, “Tole ma. Nada hupaksa ho anso dohot.”

PARJAMITA 12:3

Humitir ma tanganmi jana nada be mangalehen pangondian. Patmu na tohong i telduk-telduk ma i so marhagogoan. Iponmu pe ma murak laho mangilkil sipanganon. Matamu homur gabe parambon parnidaan.

JESAYA 59:1

Satutuna, nada na hurang ginjang tangan ni Tuhan laho paluahon, jana parbinegeanNia nada na hurang tajom mambege.

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

PANGARATAION 34:7

Marumur ma si Musa saratus dua pulu taon di na marujung ngolunia. Nada surut gogonia jana parnidaannia pe laing tajom do.

1 SAMUEL 3:2

Di sada borngin, modom di kamarna do si Eli na sun tobang i jana na so marnida i be dohonon,

1 SAMUEL 4:15

Madung marumur sambilan pulu salapan taon si Eli jana dohonon mapitung ne ma ia.