PAMUNGKAAN 48:1 - BIBEL JAMITA NA DENGGAN

¹ Dung adong sanga sadia honok, adong ma na ro paboahon tu si Josep, marnyae amangnia i. Jadi kehe ma ia mangaligi si Jakob dohot anaknia na dua i, si Manase dohot si Efraim.

PAMUNGKAAN 48:1 ပူးပေါင်းရင်းမြစ်များ

PAMUNGKAAN 46:20

Di Mesir, adong ma dua anak ni si Josep, i ma si Manase dohot si Efraim na nitubuhon ni si Asnat boru ni si Potifera, malim na di Heliopolis.

PAMUNGKAAN 48:2

Dung dibege si Jakob na ro si Josep, dipahibul ia ma gogonia laho juguk di podomannia i.

PAMUNGKAAN 48:5

Laing didok si Jakob dope, “Ale Josep, ia anakmu si Efraim dohot si Manase na sorang di Mesir on dompak so lalu dope au tuson, au do nampunasa; dakdanakku do halahi na dua dos songon si Ruben dohot si Simeon.

PAMUNGKAAN 50:23

Sanga dope diida ia anak dohot pahompu ni si Efraim. Jabat muse dope diangkat ia angka dakdanak ni si Makir, i ma pahompunia sian si Manase gabe dakdanaknia sandiri.

2 RAJA-RAJA 13:14

Sanoli posi ma marnyae si Elisa, jana ro ma Raja Joas mangaligi ia. Dung diida ia na giot mate noma si Elisa, tangis ma raja i jana didok ia ma, “Amang, Amang, pangondian godang ni Israel.”

2 RAJA-RAJA 13:20

Nada sadia honok mate ma si Elisa jana dikuburkon. Di hatiha i pinomatna sanoli sataon laing na ro do halak Moab mamorangi Luat Israel.

JOB 42:16

Dung i laing mangolu dope si Job saratus opat pulu taon honokna; jadi laing jabat dope diida ia angka pahompunia maradu angka dakdanakna.

MASMUR 128:6

Sai ginjang ma umurmunu, jana idaonmu angka pahompumu! Hadamean ma sanggop tu Israel!

JOHANNES 11:3

Ditonahon halahi na dua ma barita i tu Jesus, ninna halahi ma di tona i, “Tuhan, marnyae do donganMu haholongan ni rohaMi.”

IBRANI 11:21

Hara ni na porsaya, di na giot mate si Jakob – disandehon ia ma tu pangkal ni tungkotnia i jana disomba ia Debata – dilehen ia ma pasupasu tu dakdanak ni si Josep.