PAMUNGKAAN 47:7 - BIBEL JAMITA NA DENGGAN

⁷ Dioban si Josep muse ma amangnia i laho patandahonsa tu raja i. Dipasupasu si Jakob ma raja i,

PAMUNGKAAN 47:7 ပူးပေါင်းရင်းမြစ်များ

PAMUNGKAAN 14:19

dipasupasu ia ma si Abram jana ning ia ma, “Sai dipasupasu Debata Na Gumincat i ma si Abram!

PAMUNGKAAN 35:27

Jadi kehe ma si Jakob mandapotkon si Ishak amangnia i di Mamre di lambung ni Hebron. I ma inganan ni si Ishak amangnia dohot ompungnia si Abraham.

PAMUNGKAAN 47:10

Dung i dipangido si Jakob ma pasupasu di raja i, i ma hata horas-horas, laho marsirang jana kehe ma halahi sian i.

PAMUNGKAAN 47:8

jana disapai raja i ma tusia, “Ma marumur sadia ma hamu?”

2 SAMUEL 14:22

Manungkap ma si Joab di jolo ni si Daud, lalu mandok, “Sai dipasupasu Debata nian raja i! Saonnari ma huboto na jop do hape roha ni raja i mida au, dibaen madung dipatulus pangidoanki.”

2 SAMUEL 19:39

Dung i ditaripari si Daud ma dohot sude parangannia Batang aek Jordan. Dung i diumma si Daud ma si Barsilai jana dipasupasu ia. Dung i mulak ma si Barsilai tu bagasnia.

2 SAMUEL 8:10

Jadi disuru si Toi ma si Joram anaknia laho palaluhon tabe tu Raja Daud lalu pasahatkon hata horas-horas hara ni hamonangannia i, angke madung lolot do sai maralo si Toi dohot si Hadadeser. Dilehen si Joram ma di si Daud angka silua na sian sere, perak dohot tumbaga.

1 RAJA-RAJA 1:47

Salang angka pagawe ni negara madung kehe mandok hata horas-horas tu Raja Daud. Ninna halahi do, ‘Sai sumurung ma dibaen Debata harajaan ni si Salomo, jana sai gumodang ma harajaan ni si Salomo ulang harajaan ni raja i.’ Dung i manungkap ma Raja Daud di podomanna manyomba Debata

1 RAJA-RAJA 8:66

Di ari pasalapankon diloas si Salomo ma marmulahan jolma i. Sude halahi mandok horas tusia lalu mulak be tu bagasna mardongan jop ni roha, hara ni pasupasu na nilehen ni Tuhan tu naposoNa si Daud dohot tu bangsoNa Israel.

2 RAJA-RAJA 4:29

Ditailihon si Elisa ma si Gehasi jana didok ia ma, “Patibu! Buat tungkotku, ompoti kehe tu bagas ni inanta on. Ulang ho maradian-adian di tonga dalan manjalang sanga na ise pe. Muda adong pe halak manjalang ho, ulang parsayang tingki laho manjalangsa. Disi lalu ho manigor payakkon ma tungkotki tu pamatang ni dakdanak i.”

HARURUAR 12:32

Oban hamu ma biri-biri, hambeng dohot lombumunu i, kehe ma hamu! Laing pangido hamu pasupasu di au!”

MATEUS 26:26

Hatiha na mangan i halahi dibuat Jesus ma roti. Dipasahat Ia ma tangiang mandok tarimakasi. Dung i dilehen Ia ma roti i tu angka anak siseanNia i, didok Ia ma dohot hataNa, “Jagit, jana pangan hamu ma, on ma pamatangKu.”

LUKAS 22:19

Dung i dibuat Jesus ma roti. Dung didokkon Ia tarimakasi tu Debata, dibola-bola Ia ma roti i, dung i diparleheni Ia ma tu halahi jana didok Ia ma, “On ma pamatangKu, [na nilehen di hamu. Baen hamu ma songon i laho marningot Au.”

JOSUA 14:13

Jadi gabe tumbuk ma di roha ni si Josua di si Kaleb anak ni si Jefunne i, lalu dilehen ia ma tusia kota Hebron gabe bagiannia.

JOSUA 22:6

Dung i disuru si Josua ma halahi mulak jana dipasupasu ia. Jadi mulak ma halahi tu parbandaranna.

1 PETRUS 2:17

Pantun ma hamu tu sude halak, haholongi hamu ma donganmunu sahaporsayaan tu Kristus. Habiari hamu ma Debata jana pasangap ma Kesar i.

1 SAMUEL 2:20

Jadi dipasupasu si Eli ma si Elkana dohot dadaborunia i jana didok ia ma tu si Elkana, “Sai dilehen Tuhan ma anak muse di ho sian dadaborumon laho manggonti anak na dung nilehenmon tu Tuhan.” Dung salpu i mulak ma halahi tu Rama.