PAMUNGKAAN 47:6 - BIBEL JAMITA NA DENGGAN

⁶ jadi dohot ma halahi nampuna tano Mesir on. Padiar ma da maringanan di Luat Gosen halahi, on ma lunggu-lunggu na dumenggan di luat on. Jana betak sai adong sian halahi angka na malo, baen ma halahi gabe pangurus ni pahan-pahananku.”

PAMUNGKAAN 47:6 ပူးပေါင်းရင်းမြစ်များ

PAMUNGKAAN 13:10

Jadi ditatap si Lot ma humaliang jana diida ia ma sude rura ni Jordan lopus tu kota Zoar, bahat aek disi, songon kobun ni Tuhan sanga songon tano Mesir. (Di hatiha i nada disegohon Tuhan dope kota Sodom dohot Gomora.)

PAMUNGKAAN 13:9

Jadi gumonan ma hita marsirang. Ho ma mamili sanga na dia giotmu bagianmu. Muda sabola on do di ho, anso tu na asing au kehe.”

PAMUNGKAAN 20:15

Didok raja i ma tu si Abraham, “On ma sude tanongku, pili ma sanga dia por ni rohamu ingananmu.”

PAMUNGKAAN 34:10

Jadi tola ma ho maringanan dison, di luatnami on rap dohot hami; sanga na di dia ma giotmu di luat on. Bebas ma ho marjagal sanga maniop sinadonganmu sandiri.”

PAMUNGKAAN 45:10

Di Luat Gosen ma damang maringanan anso donok tu au – disi ma damang, anak dohot pahompumunu sude, biri-biri, hambeng, lombu dohot sandok sinadongan ni amang.

PAMUNGKAAN 46:34

dok hamu ma tu raja i, na somal marmahan hamu sian na menek laing songon ompumunu. Jadi anso disuru ia hamu maringanan di tano Gosen.” Didok si Josep pe songon i, hara ni na so ra do halak Mesir mardongan dohot angka parmahan.

PAMUNGKAAN 47:11

Sai diurupi si Josep ma amangnia dohot kahangginia i dung maringanan di Mesir. Dilehen ia ma tano gabe nampuna ni halahi sandiri, di bagian na dumenggan di luat i donok tu Ramses, songon na nitonahon ni raja i.

PAMUNGKAAN 47:16

Dialusi si Josep ma, “Muda abis hepengmu, pahan-pahananmi na lehen; hulehen pe di hamu sipanganon.”

PAMUNGKAAN 47:4

Na giot maringanan di luat on do hami umbaen na ro hami, dibaen santakna haleon na masa di Kanaan, jabat nada adong be ruput panganon ni angka pahan-pahanannami i. Paloas ma hami da rajanami maringanan di Gosen.”

PAMUNGKAAN 47:5

Jadi didok raja i ma tu si Josep, “Dibaen madung lalu tuson amanta dohot angka kahangginta i,

1 RAJA-RAJA 11:28

dohot do si Jerobeam markarejo disi. Di na niida ni si Salomo na lingkas bope na ringgas do si Jerobeam, dilehen ma disia tanggung jawab laho manjago karejo paksa na di luat ni Marga Manase dohot Efraim.

2 JUJUR TAON 26:10

Laing dipajongjong ia muse ma angka palas-palas na marbenteng di luat padang-padang jana dihuar ia bahat sumur hara ni bahatna pahan-pahanannia di angka partoran na hornop bope di tano napa na toruk na di sabola Hasundutan. Dibaen tartarik do rohania tu partanian, dianjurkon ia do tu rayat i anso manyuan anggur di angka luat na mardolok dohot manggarap luat na napu.

HARURUAR 18:21

Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.

HARURUAR 18:25

dipili ia ma halak na malo marroha sian bangso Israel. Ditontuhon ia ma sian halahi na gabe pamimpin ni na saribu halak, deba tu saratus halak, deba tu lima pulu halak, jana adong tu na sampulu halak.

HARURUAR 9:10

Dung i dibuat si Musa dohot si Harun ma abu saotik, dung i kehe ma halahi manopotkon raja i. Disampakkon si Musa ma sirabun i tu ginjang. Gabe baroon ma jolma bope pahan-pahanan, na gabe bugang na marnana i.

HARURUAR 9:21

Tapi halak na asing nada parduli di sipaingot i, ditadingkon do hatobanna bope pahan-pahanan ni halahi di ruar i.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

JEREMIA 40:4

Saonnari hupalua ma rante on sian tanganmu jana hupalua ma ho. Muda ra ho, tola do ho dohot tu Babel, jana husarihon pe ho. Tapi muda nada ra ho, nada pola bia. Bebas do ho di luat on sanga na tu dia giotmu kehe.”

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

1 SAMUEL 21:7

Topet muse do hape disi di ari i si Doeg halak Edom, kapala ni parmahan ni si Saul laho patuluskon sada aturan ni ugamo.)