PAMUNGKAAN 47:4 - BIBEL JAMITA NA DENGGAN

⁴ Na giot maringanan di luat on do hami umbaen na ro hami, dibaen santakna haleon na masa di Kanaan, jabat nada adong be ruput panganon ni angka pahan-pahanannami i. Paloas ma hami da rajanami maringanan di Gosen.”

PAMUNGKAAN 47:4 ပူးပေါင်းရင်းမြစ်များ

PAMUNGKAAN 12:10

Tapi masa do haleon potir di tano Kanaan, jana sun ma hancitna pambaen ni bala i, gabe kehe ma si Abram mur dumao tu Selatan lalu tu tano Mesir, anso disi noma ia jolo maringanan sanga na sadia honok.

PAMUNGKAAN 15:13

Didok Tuhan ma tusia, “Gabe paisolat ma pomparanmu di luat na asing; gabe hatoban ma halahi disi jana taonon ni halahi ma na hancit opat ratus taon honokna.

PAMUNGKAAN 43:1

Mur jebu ma haleon i di Kanaan,

PAMUNGKAAN 45:10

Di Luat Gosen ma damang maringanan anso donok tu au – disi ma damang, anak dohot pahompumunu sude, biri-biri, hambeng, lombu dohot sandok sinadongan ni amang.

PAMUNGKAAN 46:34

dok hamu ma tu raja i, na somal marmahan hamu sian na menek laing songon ompumunu. Jadi anso disuru ia hamu maringanan di tano Gosen.” Didok si Josep pe songon i, hara ni na so ra do halak Mesir mardongan dohot angka parmahan.

PAMUNGKAAN 47:5

Jadi didok raja i ma tu si Josep, “Dibaen madung lalu tuson amanta dohot angka kahangginta i,

MASMUR 105:23

Jadi kehe ma si Jakob tu Mesir jana maringanan ma ia di luat i songon halak sileban.

JESAYA 52:4

Jadi ninna Tuhan Debata ma: “Na jolo kehe do bangsongKu tu Mesir anso disi maringanan gabe halak asing, hape diparhanciti Asur ma hamu so bagi hara ni aha.

BAENON NI ANGKA RASUL 7:11

Jadi masa ma haleon potir di sude luat na di tano Mesir i dohot di Kanaan, gabe markancit situtu ma halak sudena. Nada dapotan sipanganon be angka ompunta i.

BAENON NI ANGKA RASUL 7:6

Tapi songon on ma pandok ni Debata tusia, ‘Songon paisolat ma pomparanmu di luat ni halak na asing. Parhatobanon ni halak luat i ma halahi jana parkancitanna opat ratus taon honokna.

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.