PAMUNGKAAN 47:31 - BIBEL JAMITA NA DENGGAN

³¹ Didok si Jakob ma, “Sumpahon ma paboa na tutu patulusonmu songon i.” Disumpahon si Josep ma, jana mandok tarimakasi ma si Jakob di podomannia i.

PAMUNGKAAN 47:31 ပူးပေါင်းရင်းမြစ်များ

PAMUNGKAAN 21:23

Jadi sumpahon ma dison diadopan ni Debata paboa na so baenonmu na so tama tu au, songon i tu dakdanakku sanga pe tu pomparanku. Madung hubaen haburjuon tu ho, jadi hara ni i janjihon ma laing na burju muse baenonmu tu au dohot tu luat na huingani on.”

PAMUNGKAAN 21:24

Jadi didok si Abraham ma, “Hujanjihon ma i.”

PAMUNGKAAN 24:2

Sanoli, mandok hata ma ia tu hatobannia na tumobang, i ma na mangurus sude arta sinadongannia, ning ia ma, “Baen ma tanganmu tu holang-kolang ni hae-haengkon.

PAMUNGKAAN 24:26

Jadi manungkap ma hatoban i marsomba tu Tuhan.

PAMUNGKAAN 24:3

Sumpahon ma mangasahon goar ni Tuhan, Debata na mangarajai langit dohot tano, bahaso na so jalahanmu boru sian halak tano Kanaan on di si Ishak anakki.

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

PAMUNGKAAN 47:29

Di na mur donok hatihana marujung ngoluna, dipiohon ia ma si Josep anaknia i, didok ia ma hatania, “Baen ma tanganmi tu holang-kolang ni hae-haengkon jana sumpahon ma na so kuburkononmu au di tano Mesir on.

PAMUNGKAAN 50:25

Jadi disuru si Josep ma bangsonia i marsumpa ning ia ma, “Janjihon hamu ma tu au, muda dipimpin Debata hamu mulak tu luat i, angkon dohot do obanonmunu saring-saringku.”

PAMUNGKAAN 50:5

‘Di na marayak marujung ngolu ni amanta hami, disuru ia do anso hujanjihon tusia mandok angkon dikuburkon ia di bagasan kuburan na dung sidung diparade ia di tano Kanaan. Jadi hara ni i, na mangido isin ma au di raja i anso kehe au jolo manguburkon damang i. Dung sidung, manigor mulak pe au.’ ”

1 RAJA-RAJA 1:47

Salang angka pagawe ni negara madung kehe mandok hata horas-horas tu Raja Daud. Ninna halahi do, ‘Sai sumurung ma dibaen Debata harajaan ni si Salomo, jana sai gumodang ma harajaan ni si Salomo ulang harajaan ni raja i.’ Dung i manungkap ma Raja Daud di podomanna manyomba Debata

IBRANI 11:21

Hara ni na porsaya, di na giot mate si Jakob – disandehon ia ma tu pangkal ni tungkotnia i jana disomba ia Debata – dilehen ia ma pasupasu tu dakdanak ni si Josep.