PAMUNGKAAN 47:30 - BIBEL JAMITA NA DENGGAN

³⁰ Giotku, angkon di inganan ni angka daompung do au dikuburkon; oban hamu ma au sian Mesir on jana kuburkon hamu ma au di kuburan ni daompung i.” Jadi dialusi si Josep ma, “Hupatulus pe songon na nidok ni amang i.”

PAMUNGKAAN 47:30 ပူးပေါင်းရင်းမြစ်များ

PAMUNGKAAN 15:15

Ho sandiri pe, jagitonmu ma umur na ginjang, sonang ma parmatemu torus dikuburkon.

PAMUNGKAAN 23:17

Songon i ma dalanna umbaen na gabe si Abraham nampuna ladang ni si Efron na di Mahpela sabola Habincaran ni Mamre. Ladang dohot liang na disi dohot angka suan-suanan na adong disi lopus tu topi ni ladang, sai ma tano i sude.

PAMUNGKAAN 23:19

Dung i dikuburkon si Abraham ma si Sara dongan saripenia i di bagasan liang i di tano Kanaan.

PAMUNGKAAN 25:10

Na nitobusan ni si Abraham do ladang i sian halak Het, si Sara pe dongan saripe ni si Abraham i, laing disi do dikuburkon.

PAMUNGKAAN 25:9

Dikuburkon si Ishak dohot si Ismael anaknia i ma ia di Liang Mahpela, di ladang na di Habincaran ni Mamre, i ma nampuna ni si Efron hian anak ni si Zohar halak Het i.

PAMUNGKAAN 35:29

jana mate matobang ma ia. Jadi dikuburkon anakna ma ia, i ma si Esau dohot si Jakob.

PAMUNGKAAN 50:25

Jadi disuru si Josep ma bangsonia i marsumpa ning ia ma, “Janjihon hamu ma tu au, muda dipimpin Debata hamu mulak tu luat i, angkon dohot do obanonmunu saring-saringku.”

2 SAMUEL 19:37

Dung salpu i, paloas ma au rajanami mulak tu bagas dohot marujung di lambung ni kuburan ni simatobangku. Tapi on ma anakku si Kimham. Dipaloas raja i ma ia mangudurkon raja i jana dibaen raja i ma tusia sanga aha na denggan di roha ni raja i.”

2 SAMUEL 2:32

Dung i dioban si Joab dohot parangannia i ma bangke ni si Asael i jana dikuburkon halahi ma i di kuburan ni horongnia di Betlehem. Mardalan ma halahi saborngin maningting, dung i lalu ma halahi di Hebron andostorangna i.

1 RAJA-RAJA 13:22

Balikna do dibaen ho, mangulahi ho tu pudi jana mangan di na Huparentahon tu ho na so tola mangan. Hara ni i angkon hona bunu noma ho, jana bangkemi nada tola kuburon ni sisolkotmu.”

NEHEMIA 2:3

jana hualusi ma, “Sai horas ma da raja i sapanjanna! Bia ma he so marsak iba, anggo laing na tinggal maropuk do kota inganan ni kuburan ni angka daompung boti angka pintu horbanganna i pe madung abis dipangan api.”

NEHEMIA 2:5

lalu hudok ma tu raja i, “Anggo tumbuk do di roha ni raja i jana muda ra raja i mangoloi pangidoanniba, disuru raja i ma au tu tano Juda laho mambangun kota inganan ni kuburan ni angka daompung i mangulahi.”

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.