PAMUNGKAAN 47:29 - BIBEL JAMITA NA DENGGAN

²⁹ Di na mur donok hatihana marujung ngoluna, dipiohon ia ma si Josep anaknia i, didok ia ma hatania, “Baen ma tanganmi tu holang-kolang ni hae-haengkon jana sumpahon ma na so kuburkononmu au di tano Mesir on.

PAMUNGKAAN 47:29 ပူးပေါင်းရင်းမြစ်များ

PAMUNGKAAN 24:2

Sanoli, mandok hata ma ia tu hatobannia na tumobang, i ma na mangurus sude arta sinadongannia, ning ia ma, “Baen ma tanganmu tu holang-kolang ni hae-haengkon.

PAMUNGKAAN 24:49

Saonnari, muda adong do rohamunu mambaen na denggan tu tuanki bope laho manggohi na patut sibaenonmunu tusia, dok hamu ma tu au; tapi muda nada, laing dok hamu ma da antong tu au anso tarputuskon au sanga aha na giot baenonku.”

PAMUNGKAAN 27:2

Didok si Ishak ma, “Ma diboto ho na matobang au, jana betak na so honok be au mangolu.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

PAMUNGKAAN 48:21

Jadi didok si Jakob ma tu si Josep, “Songon na niidamu, donok noma da ajalku; tapi laing donganan ni Debata do hamu jana obanonNa mulak tu luat ni ompungmunu.

PAMUNGKAAN 50:12

Songon i ma dibaen angka dakdanak ni si Jakob laho patuluskon na nitonahonnia i tu halahi.

PAMUNGKAAN 50:5

‘Di na marayak marujung ngolu ni amanta hami, disuru ia do anso hujanjihon tusia mandok angkon dikuburkon ia di bagasan kuburan na dung sidung diparade ia di tano Kanaan. Jadi hara ni i, na mangido isin ma au di raja i anso kehe au jolo manguburkon damang i. Dung sidung, manigor mulak pe au.’ ”

2 SAMUEL 14:14

Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

2 SAMUEL 2:32

Dung i dioban si Joab dohot parangannia i ma bangke ni si Asael i jana dikuburkon halahi ma i di kuburan ni horongnia di Betlehem. Mardalan ma halahi saborngin maningting, dung i lalu ma halahi di Hebron andostorangna i.

2 SAMUEL 7:12

Tu joloan on, muda dapot ma ajalmu, jana ditanom ho di inganan ni ompumu, angkatonKu do sada sian anakmi na gabe raja.

1 RAJA-RAJA 2:1

Dung dihilala si Daud donok noma ajalnia, dipio ia ma si Salomo, anaknia i, laho mangalehen angka tonania na parpudi tusia. Ninna si Daud ma,

JOB 14:14

Angke muda mate jolma i, tarbaensa ma he mangolu mangulahi? Sian ari tu ari au sai tarpainte lopus ari-ari hapaetanku solpu pate.

JOB 30:23

Huboto do, na niboanMu au tu hamatean, inganan pangaluhutan ni sude na marhangoluan.

JOB 7:1

Songon ngolu ni tentara do da ngolu ni jolma, dokdok, sorat songon hatoban di ngoluna,

MASMUR 49:7

Nada adong sahalak pe na tarbaen manobus hosana, sanga manggarar partobusna tu Debata.

MASMUR 49:9

anso sili ia sian hamatean jana mambaen ia marhangoluan sapanjang.

MASMUR 6:5

Angke anggo dung do di hamatean nada ingoton be Ho, anggo di inganan ni halak na mate nada adong be mamuji Ho.

MASMUR 89:48

Ise ma tarbaen torus mangolu so pola mate? Ise tarbaen malua sian kuburan?

PANGARATAION 31:14

Dung i didok Tuhan ma tu si Musa, “Nada pola lolot be ho mangolu. Jadi piohon ma si Josua, jana oban ma ia tu Bandar ParmiananKu, anso tarlehen Au angka panogu-noguon tusia.” Jadi kehe ma si Musa dohot si Josua tu Bandar Parmianan,

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

IBRANI 11:22

Hara ni haporsayaan, di na giot mate si Josep, dibaritahon ia do taringot tu haruruar ni halak Israel. Laing ditonahon ia hian do sibaenon taringot tu holi-holinia.

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.

JOSUA 2:14

Jadi didok bayo sidua halak i ma tusia, “Marjanji ma hami, muda lehenon ni Tuhan luat on tu hami, denggan do baenonnami tu hamu asal ma nada dipaboa ho sanga na tu ise pe taringot tu hami. Sai mate ma hami, muda nada hami patulus janjinami on.”

JOSUA 23:14

Saonnari dumpang ma hatihana marujung ngolungku. Hamu sude – pasada-sada – diboto hamu do torang, na dung dilehen Tuhan do sandok na denggan na nijanjihonNia i. Pasada-sada na nijanjihonNia madung dipatulus Ia; umpe sada na so dipatulusSa.

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.