PAMUNGKAAN 47:23 - BIBEL JAMITA NA DENGGAN

²³ Didok si Josep ma tu rayat i, “Ligi hamu bo, ma hutobusi hamu dohot tanomunu di raja i. On ma same sisaburonmunu di ladangmunu i.

PAMUNGKAAN 47:23 ပူးပေါင်းရင်းမြစ်များ

PAMUNGKAAN 41:27

Lombu na pitu na marniang na ruar umpudi dohot burir ni eme na lambang i jana na markerut hiang dibaen haba-haba na sian parhorsihan i, i ma hamamasa ni haleon pitu taon honokna.

PAMUNGKAAN 45:6

Taon paduahon dope haleon on, jana adong dope lima taon nari na so tarbaen halak mamangkur sanga manyabi.

PAMUNGKAAN 47:22

Hum tano ni angka malim noma na so ditobusi ia. Nada jabat manggadis tano halahi, angke dapotan pangurupi do halahi tongtong sian raja i songon gaji ni halahi sipakeon ni halahi di ngoluna.

PAMUNGKAAN 47:24

Muda sabion, angkon mangalehen ma hamu tu raja i saparlima ni suhana i. Lobina i ma sipakeonmunu gabe same dohot panganonmunu dohot keluargamunu.”

MASMUR 112:5

Martua ma halak na jop roha painjamkon jana na jujur di sude siuruson.

MASMUR 41:1

Martua ma halak na mamparrohahon jolma na gale; urupan ni Tuhan do ia di hamamasa ni hasusaan.

PODA 11:26

Na pagukguk gandum buraan ni halak ma, tapi tarpasupasu na manggadis gandum.

PODA 12:11

Partani na padot karejo bubung sopona, tapi na oto do halak na pangabis ari-arina di na so marguna.

PODA 13:23

Tano na kosong tarbaen parohon bahat panganon tu halak na so marsinadongan, hape dipadiar halak na jungkat do i tarulang.

PARJAMITA 11:6

Angkon manyuan ma ho dompak manyogot ari baen muse ma songon i di borngin ni ari. Angke nada taboto sanga na dia na denggan partubuna. Ra muse do gabe dua-duana rap denggan partubuna.

JESAYA 55:10

Songon udan dohot salju na sian langit i nada jungada mulak, tapi na mijur mambornohi tano, mambaen same martunas dohot martumbur, mangalehen suha sisaburkonon dohot sipanganon,

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

2 KORINTUS 9:10

Debata do na pasingkop same di si panyabur dohot roti sipanganon. Laing Ia muse do na pabahatkon suha ni suan-suananmunu, parbatu ni hatigoranmunu.