PAMUNGKAAN 47:19 - BIBEL JAMITA NA DENGGAN

¹⁹ Ulang padiar mate hami. Baen ma sanga na aha! Ulang padiar gabe gariang tanonami. Tobusi hamu ma hami dohot angka ladangnami i jana eme pe panggararna. Padiar ma gabe naposo ni raja i hami jana ia nampuna tanonami i sude. Lehen ma eme di hami paudut ngolunami jana laing lehen ma dohot same sisaburonnami di ladangnami!”

PAMUNGKAAN 47:19 ပူးပေါင်းရင်းမြစ်များ

PAMUNGKAAN 41:36

Eme na nipalagut i ma muse gabe balanjo di haleon sipitu taon na giot masa i di tano Mesir on. Jadi muda songon i nibaen, nada mate tangkuraparon be rayat i.”

PAMUNGKAAN 47:15

Dung abis hepeng di Mesir dohot di Kanaan, marroan ma halak Mesir mandapotkon si Josep jana didok halahi ma, “Lehen ma panganon di hami! Ulang ma padiar hami mate. Sanga na bia ma baenonmu! Ma abis hepengnami.”

PAMUNGKAAN 47:18

Di taon na mangihut muse, ro ma halahi tusia mandok, “Nada pola bunihononnami tu tuan i na dung abis hepengnami, jana angka pahan-pahanannami pe madung gabe tuan i nampunasa. Nada adong be diha-dihanami na tarlehen hami tu tuan i, asing sian dirinami dohot tanonami.

PAMUNGKAAN 47:20

Jadi ditobusi si Josep ma sude tano na di Mesir baen di raja i. Tarpaksa ma digadis halak Mesir i tano ni halahi hara ni santakna haleon potir i; jadi gabe raja i noma nampuna tano i sudena.

JOB 2:4

Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

ANDUNG 1:11

Humolos humasusa halak kota i manjalahi bohalna; marsambar roti noma artana anso ulang jabat tos hosana. Tangis Jerusalem, “Ale Tuhan, ingot ma au, parrohahon ma sude pardangolanku.”

ANDUNG 5:6

Kehe hami tu Mesir laho mangido sipanganon, tu Asur pe kehe hami anso ulang tangkuraparon.

ANDUNG 5:9

Marmara do hami manjalahi sipanganon; harana dihaliangi pamunu do luatnami.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?