PAMUNGKAAN 47:18 - BIBEL JAMITA NA DENGGAN

¹⁸ Di taon na mangihut muse, ro ma halahi tusia mandok, “Nada pola bunihononnami tu tuan i na dung abis hepengnami, jana angka pahan-pahanannami pe madung gabe tuan i nampunasa. Nada adong be diha-dihanami na tarlehen hami tu tuan i, asing sian dirinami dohot tanonami.

PAMUNGKAAN 47:18 ပူးပေါင်းရင်းမြစ်များ

PAMUNGKAAN 47:17

Jadi dipasahat halahi ma pahan-pahanan ni halahi tu si Josep jana dilehen ia ma panganon tu halahi songon gonti ni kudo, biri-biri, hambeng, lombu dohot halode ni halahi i. Di na sataon i, pahan-pahanan ma songon panggarar ni panganon dibaen si Josep tu halahi.

PAMUNGKAAN 47:19

Ulang padiar mate hami. Baen ma sanga na aha! Ulang padiar gabe gariang tanonami. Tobusi hamu ma hami dohot angka ladangnami i jana eme pe panggararna. Padiar ma gabe naposo ni raja i hami jana ia nampuna tanonami i sude. Lehen ma eme di hami paudut ngolunami jana laing lehen ma dohot same sisaburonnami di ladangnami!”

2 RAJA-RAJA 6:26

Sanoli hatiha mardalan-dalan raja i di ginjang ni tembok ni kota i, adong ma sada halak dadaboru na pio-pio marsora na gogo, “Rajanami, urupi au!”

JEREMIA 38:9

“Ale Rajanami na marmulia, nada denggan pambaenan ni angka jolma i. Dipamasuk halahi do Panurirang Jeremia tu bagasan sumur; musti gabe mate so mangan ia disi, harana madung abis sipanganon di kota on.”