PAMUNGKAAN 47:17 - BIBEL JAMITA NA DENGGAN

¹⁷ Jadi dipasahat halahi ma pahan-pahanan ni halahi tu si Josep jana dilehen ia ma panganon tu halahi songon gonti ni kudo, biri-biri, hambeng, lombu dohot halode ni halahi i. Di na sataon i, pahan-pahanan ma songon panggarar ni panganon dibaen si Josep tu halahi.

PAMUNGKAAN 47:17 ပူးပေါင်းရင်းမြစ်များ

PAMUNGKAAN 47:16

Dialusi si Josep ma, “Muda abis hepengmu, pahan-pahananmi na lehen; hulehen pe di hamu sipanganon.”

PAMUNGKAAN 47:18

Di taon na mangihut muse, ro ma halahi tusia mandok, “Nada pola bunihononnami tu tuan i na dung abis hepengnami, jana angka pahan-pahanannami pe madung gabe tuan i nampunasa. Nada adong be diha-dihanami na tarlehen hami tu tuan i, asing sian dirinami dohot tanonami.

1 RAJA-RAJA 10:28

Dipamasuk angka suruan ni raja i ma angka kudo sian Misraim dohot Kewe,

JOB 2:4

Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

HARURUAR 9:3

uhumonKu ma ho markite na parohon bala tu sude pahan-pahananmu – kudo, halode, unto, lombu, biri-biri dohot hambengmu.

JESAYA 31:1

Marjaya ma halak na kehe tu Mesir laho mangido pangurupion. Dipangasahon halahi do hagogoan ni tentara ni Mesir, dohot parangan na manengget kudo dohot kudonia na gogo i songon i karetana na bahat i. Hape nada porsaya halahi tu Tuhan, Debata Na Badia ni Israel sanga pe mangido pangurupionNia.

MATEUS 6:24

“Nada adong sahalak pe na tarbaen mangoloi dua tuan sanoli mangoloi. Muda dibaen ia songon i, goyak ma rohania tu na sada, holong ma rohania tu na sada nari. Sanga burju ma ia tu tuan na sada, tapi na sada nari inda diantureskon. Songon i muse do hamu. Nada tarbaen hamu markarejo tu Debata dohot markarejo tu arta sanoli mangkarejohon.