PAMUNGKAAN 47:15 - BIBEL JAMITA NA DENGGAN

¹⁵ Dung abis hepeng di Mesir dohot di Kanaan, marroan ma halak Mesir mandapotkon si Josep jana didok halahi ma, “Lehen ma panganon di hami! Ulang ma padiar hami mate. Sanga na bia ma baenonmu! Ma abis hepengnami.”

PAMUNGKAAN 47:15 ပူးပေါင်းရင်းမြစ်များ

PAMUNGKAAN 41:36

Eme na nipalagut i ma muse gabe balanjo di haleon sipitu taon na giot masa i di tano Mesir on. Jadi muda songon i nibaen, nada mate tangkuraparon be rayat i.”

PAMUNGKAAN 47:16

Dialusi si Josep ma, “Muda abis hepengmu, pahan-pahananmi na lehen; hulehen pe di hamu sipanganon.”

PAMUNGKAAN 47:24

Muda sabion, angkon mangalehen ma hamu tu raja i saparlima ni suhana i. Lobina i ma sipakeonmunu gabe same dohot panganonmunu dohot keluargamunu.”

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

JESAYA 33:16

Jadi gabe malua do hamu jana sonang, songon na tinggal di bagasan benteng na togu. Singkop do sipanganon dohot siinumon di hamu.

MATEUS 6:11

Lehen ma di hami panganonnami na porlu sadari on,

HAKIM-HAKIM 8:5

Dung i lalu ma halahi di Sukot. Didok si Gideon ma disi tu halak kota i, “Tolong hamu ma jolo mangalehen saotik panganon di anak buakon. Ma loja sajo halahi hapengani na mangkojar si Zebah dohot si Salmuna raja ni Midian dope.”

HAKIM-HAKIM 8:8

Dung i ditoruskon si Gideon ma pardalanan lopus lalu tu Pnuel. Disi laing dipangido ia ma sipanganon di anak buania i. Hape sarupa muse do alus ni halak Pnuel dohot alus ni halak Sukot.

1 SAMUEL 21:3

Santabi, saonnari na giot marsapa do au, aha do sipanganon na adong di ho amang? Lehen ma di au lima roti sanga bagi aha pe na adong dison.”

1 SAMUEL 25:8

Sapai ma antong tu halahi, pasti parhatutuon ni halahi songon i. Antong, hara ni i, denggan ma jagit angka paranganku di bagasmu, dibaen di ari na godang on do hami ro. Laing lehen muse di angka naposomon dohot di au si Daud, sanga na aha ma na nionjar ni rohamu.”