PAMUNGKAAN 47:1 - BIBEL JAMITA NA DENGGAN

¹ Jadi dioban si Josep ma lima halak kahangginia i laho mangadop tu raja i. Ning ia ma, “Ma lalu da amangnami i dohot angka kahanggingki sian Kanaan; dioban halahi do angka hambeng, biri-biri dohot lombu dohot sude sinadongan ni halahi. Saonnari, di Luat Gosen do halahi.”

PAMUNGKAAN 47:1 ပူးပေါင်းရင်းမြစ်များ

PAMUNGKAAN 45:10

Di Luat Gosen ma damang maringanan anso donok tu au – disi ma damang, anak dohot pahompumunu sude, biri-biri, hambeng, lombu dohot sandok sinadongan ni amang.

PAMUNGKAAN 45:16

Di na tarboto tu bagas godang ni raja bahaso na ro angka kahanggi ni si Josep, jop do roha ni raja i dohot angka pagawenia i.

PAMUNGKAAN 46:28

Disuru si Jakob ma si Juda parjolo anso didokkon ia si Josep mangalo-alo amangnia i di Gosen. Dung lalu halahi di Gosen,

PAMUNGKAAN 46:31

Jadi didok si Josep ma tu angka dongan saamania i dohot tu angka kahangginia i sude, “Angkon kehe dope au paboahon tu raja i na dung ro sude kahanggingku dohot sisolkotku na maringanan di tano Kanaan.

PAMUNGKAAN 46:34

dok hamu ma tu raja i, na somal marmahan hamu sian na menek laing songon ompumunu. Jadi anso disuru ia hamu maringanan di tano Gosen.” Didok si Josep pe songon i, hara ni na so ra do halak Mesir mardongan dohot angka parmahan.

HARURUAR 8:22

Tapi asing baenonKu anggo tu tano Gosen, inganan ni bangsongKi. Anggo disi nada adong lanok, anso diboto hamu, Au do Tuhan na manguhum luat on.

HARURUAR 9:26

Anggo di tano Gosen, inganan ni halak Israel i, hum sasada i ma inganan na so hona ambolas.

IBRANI 2:11

Dibaen sian Sada do haroroan ni sude halahi, bope Ia na pabadiahon, bope halahi na niparbadiai, hara ni i do nada maila Ia manggoari halahi kahanggi.