PAMUNGKAAN 46:5 - BIBEL JAMITA NA DENGGAN

⁵ Jadi kehe ma si Jakob sian Berseba. Ditolong angka anaknia i ma si Jakob, angka ripe ni halahi dohot angka dakdanak ni halahi na menek-menek dope laho manaek tu angka kareta na nitongos ni raja ni Mesir i.

PAMUNGKAAN 46:5 ပူးပေါင်းရင်းမြစ်များ

PAMUNGKAAN 21:14

Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

PAMUNGKAAN 45:19

Laing tonahon ma tu halahi anso maroban angka kareta sitenggeton ni ripe dohot angka dakdanak ni halahi na menek-menek, boti laho mangalap amanta.

PAMUNGKAAN 45:21

Dipatulus angka anak ni si Jakob ma sude tona i. Jadi dipasahat si Josep ma tu halahi angka kareta songon na nitonahon ni raja i songon i dohot bohal, balanjo di dalan.

PAMUNGKAAN 45:27

Tapi dung dicaritohon halahi sude na nidok ni si Josep tu halahi, jana dung diida ia angka kareta na nitongoskon ni si Josep i laho mangalap dohot maroban ia tu Mesir, torang ma rohania sian na tarsonggot i.

HARURUAR 10:24

Dipio raja i ma si Musa, ning ia ma, “Tola do hamu kehe maribadat tu Tuhanmunu. Dadaboru dohot dakdanak pe tola ma dohot. Tapi anggo biri-biri, hambeng dohot lombumunu tinggal ma dison.”

HARURUAR 10:26

Jana boanonnami do sude pahan-pahanannami, sada pe nada adong tinggalkononnami. Angkon pilionnami sandiri do pahan-pahanan sihaulkononnami tu Tuhan Debatanami. Painte so lalu tusi, nada hami boto dope sanga dia sian pahan-pahanan i sihaulkononkon tu Tuhan.”

BAENON NI ANGKA RASUL 7:15

Jadi bungkas ma si Jakob tu tano Mesir jana disi ma marujung ngolunia dohot angka ompunta i.

1 SAMUEL 12:8

Di na ro si Jakob dohot dakdanakna tu Mesir, jana dipisat halak Mesir halahi, mangido tolong do ompumunu i tu Tuhan, jadi gabe disuru Tuhan ma si Musa dohot si Harun. Sidua halak i ma na maroban ompumunu sian Mesir dohot na mangurupi halahi gabe maringanan di luat on.