PAMUNGKAAN 46:32 - BIBEL JAMITA NA DENGGAN

³² Dokkononku ma tu raja i, parmahan biri-biri, lombu, do hamu, jana dioban hamu do sude pahan-pahananmunu i dohot sude sinadonganmunu.

PAMUNGKAAN 46:32 ပူးပေါင်းရင်းမြစ်များ

PAMUNGKAAN 37:2

Jana on ma barita ni keluarga ni si Jakob: Doli-doli na marumur pitu bolas taon ma si Josep anak ni si Jakob. Dohot ma si Josep marmahani angka pahan-pahanan rap dohot angka angkangnia, tubu ni si Bilha dohot si Zilpa, rading ni amangnia. Sandok pangalaho ni angka angkangnia na so ture, dipaboa-boa ia do tu amang ni halahi i.

PAMUNGKAAN 4:2

Dung i ditubuhon si Hawa muse ma sada nari laing anak halaklahi, na margoar si Abel. Gabe parmahan biri-biri do si Abel, tapi anggo si Kain gabe partani do.

PAMUNGKAAN 45:10

Di Luat Gosen ma damang maringanan anso donok tu au – disi ma damang, anak dohot pahompumunu sude, biri-biri, hambeng, lombu dohot sandok sinadongan ni amang.

PAMUNGKAAN 46:31

Jadi didok si Josep ma tu angka dongan saamania i dohot tu angka kahangginia i sude, “Angkon kehe dope au paboahon tu raja i na dung ro sude kahanggingku dohot sisolkotku na maringanan di tano Kanaan.

PAMUNGKAAN 46:33

Jadi muda dipiohon raja i hamu jana disapai karejomunu,

PAMUNGKAAN 46:34

dok hamu ma tu raja i, na somal marmahan hamu sian na menek laing songon ompumunu. Jadi anso disuru ia hamu maringanan di tano Gosen.” Didok si Josep pe songon i, hara ni na so ra do halak Mesir mardongan dohot angka parmahan.

PAMUNGKAAN 47:3

Disapai raja i ma halahi, “Aha dehe karejomunu?” Dialusi halahi ma, “Parmahan do anggo hami laing songon angka ompungnami, rajanami.

PAMUNGKAAN 9:20

Partani do anggo si Noak. Ia ma na parjolo mambaen kobun anggur.

1 RAJA-RAJA 9:27

Disuru Raja Hiram do angka angkatan laut na ummalo, sian angka kapalnia, anso marlayar dohot angkatan laut ni si Salomo.

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

ZAKARIA 13:5

Tapi balik noma dokkonon ni angka panurirang, ‘Nada panurirang au. Partani do au na markarejo di ladangku mamungka sian sihamenekonku.’

1 SAMUEL 16:11

Dung i marsapa si Samuel tusia, “On dehe sude anakmi?” Dialusi si Isai ma, “Adong dope tinggal sianggian i, tapi topet do marmahan biri-biri ia saonnari.” Didok si Samuel ma, “Suru ma mamiohon ia, angke nada haulkononta dope haul i painte so ro ia.”

1 SAMUEL 17:15

jotjot do si Daud manadingkon si Saul jana mulak ia tu Betlehem laho marmahan biri-biri ni amangnia i.