PAMUNGKAAN 46:2 - BIBEL JAMITA NA DENGGAN

² Mandok hata do Debata tusia di bagasan parnidaan di sada borngin jana pio-pio ma tusia, “Jakob, Jakob!” ninna. “Olo Tuhan,” ning ia mangalusi.

PAMUNGKAAN 46:2 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 15:13

Didok Tuhan ma tusia, “Gabe paisolat ma pomparanmu di luat na asing; gabe hatoban ma halahi disi jana taonon ni halahi ma na hancit opat ratus taon honokna.

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

PAMUNGKAAN 22:1

Dung adong sanga sadia honok diuji Debata ma haburjuon ni roha ni si Abraham; dipio Debata ma si Abraham, “Jo Abraham!” ninna. Jadi dialusi si Abraham ma, “Dison do au Tuhan!” ning ia.

PAMUNGKAAN 22:11

Tapi pio-pio ma surusuruan ni Tuhan sian langit tusia, “Jo Abraham, Abraham!” ninna. Dialusi si Abraham ma, “Dison do au Tuhan.”

PAMUNGKAAN 31:11

Jana mangkobari do Debata songon rupa ni surusuruan tu au di bagasan nipi i didok, ‘Jakob!’ ninna. Gabe hualusi ma, ‘Olo da’.

2 JUJUR TAON 26:5

Si Zakaria do panuturinia domu tu soal partondion. Salolot di ngolu ni si Zakaria, setia do si Usia maribadat tu Tuhan, jadi gabe dipasupasu Tuhan do ia.

JOB 4:13

Mangganggu modom lalu marjonggor, songon nipi na sambor di borngin na holom.

DANIEL 2:19

Laing di borngin i dipaboa Debata ma tu si Daniel arti na di bagasan sada parnidaan. Jadi dipuji si Daniel ma Debata na di banua ginjang i.

ZAKARIA 1:8

Di sada parnidaan taran borngin-borngin, huida ma sada halak manaek sada kudo na rara. Maradian ma ia di sada holbung di tonga-tonga ni hayu dulang-dulang. Jongjong ma di pudina i angka kudo na asing, adong na rara, na mera jambu dohot na bontar.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

BILANGAN 24:4

Dilehen disia hamaloon manangihonsa, angka hata na marharoroan sian Debata. Di bagasan parnidaan huida dohot mata tarbuka sada hataridaan sian Debata na gok kuaso sasadaSa.

BAENON NI ANGKA RASUL 10:13

Adong muse ma sora na mandok tusia, “Petrus, jongjong ma ho! Samboli ma i jana pangan!”

BAENON NI ANGKA RASUL 10:3

Jadi di sada ari hira-hira pukul tolu arian, tangkas ma diida ia di bagasan sada parnidaan, ro sada surusuruan ni Debata mamiohon ia, “Ale Kornelius!”

BAENON NI ANGKA RASUL 16:9

Bornginna i di Troas diida si Paulus ma ro sada halak Makedonia jongjong di jolonia mangido dohot gomos anso taripar ia tu Makedonia mangurupi halahi.

BAENON NI ANGKA RASUL 9:10

Adong do di Damaskus sada halak anak sisean, na margoar si Ananias. Di bagasan sada parnidaan, diida ia ma Tuhan i mandok hata tusia, “Ananias!” ninna. “Dison do au Tuhan,” ning si Ananias mangalusi.

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

HAKIM-HAKIM 7:2

Didok Tuhan ma tu si Gideon, “Mabahattu do anak buami. Nada tarlehen Au hamonangan di halahi maralohon halak Midian, angke dipikir halahi muse hara ni gogo ni halahi sandiri umbaen na monang halahi, gabe nada dilehen halahi pujian tu Au.

HAKIM-HAKIM 7:9

Di borngin i didok Tuhan ma tu si Gideon, “Ngot ma ho, Gideon! Kehe ma ne porangi parbandaran ni halak Midian i. Hulehen do hamonangan di ho mangalo halahi.

1 SAMUEL 3:10

Dung i ro ma Tuhan jana jongjong di inganan i mamiohon mangulahi, “Samuel, Samuel!” Jana dialusi si Samuel ma, “Mangkuling ma Ho ale Tuhan, manangi-nangi do naposoMon.”

1 SAMUEL 3:4

dipio Tuhan ma si Samuel gabe dialusi si Samuel ma, “Olo, amang!”