PAMUNGKAAN 46:1 - BIBEL JAMITA NA DENGGAN

¹ Dihobasi si Jakob ma sude sinadongannia lalu kehe ma ia tu Berseba laho pasahatkon haul tu Debata na nisomba ni si Ishak amangnia i.

PAMUNGKAAN 46:1 ပူးပေါင်းရင်းမြစ်များ

PAMUNGKAAN 12:8

Dung salpu i pinda ma ia tu Selatan tu luat na mardolok-dolok di Habincaran ni Betel. Jana dipajongjong ia ma disi undung-undungnia di holang-holang ni Betel di Hasundutan dohot Ai di Habincaran. Laing dipajongjong ia muse do disi sada langgatan parsombaan tu Tuhan, laing dipio ia ma goar ni Tuhan disi.

PAMUNGKAAN 21:14

Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

PAMUNGKAAN 21:31

Songon i ma umbaen digoari inganan i Berseba, harana disi ma halahi na dua mambaen sumpa.

PAMUNGKAAN 21:33

Jadi disuan si Abraham ma sada hayu tamariska jana disomba ia ma Tuhan Debata na manongtong i.

PAMUNGKAAN 22:13

Jadi mangaranap ma si Abraham humaliang jana diida ia ma sada biri-biri jantan na sangkot tandukna di ramba-ramba i. Dibuat si Abraham ma biri-biri i bulus dilehen ia ma i tu Tuhan songon somba-sombania gabe haul na nitutung panggonti ni anaknia i.

PAMUNGKAAN 28:10

Ditinggalkon si Jakob ma Berseba jana kehe ma ia tu Haran.

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

PAMUNGKAAN 33:20

Dung i dipajongjong ia ma langgatan disi jana dibaen ia ma goarna, “Debata, Debata ni si Israel”.

PAMUNGKAAN 35:3

Morot ma hita sian inganan on jana kehe ma hita tu Betel. Pajongjongonku ma disi sada langgatan di Debata na mangurupi au di hatiha hasusaanku jana na mandongani au sanga na tu dia pe au kehe.”

PAMUNGKAAN 35:7

Dipajongjong si Jakob ma disi sada langgatan jana dibaen ia ma goar ni inganan i “El-Betel”, angke disi ma dipataridahon Debata diriNa tu si Jakob di na lari ia sian angkangnia.

PAMUNGKAAN 4:4

Dibuat si Abel ma sada anak ni biri-biri siangkaan sian saparinaan; disambol ia ma i, lalu dihaulkon ia ma goar-goaranna na dumenggan sian i tu Tuhan. Jop ma roha ni Tuhan mida si Abel dohot na nihaulkonnia i,

PAMUNGKAAN 45:28

“Hape na mangolu dope si Josep anakki baya!” ning ia. “Hum on noma giotku! Angkon kehe do au anso huida ia painte so mate au.”

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

JOB 1:5

Ganop abis pesta, sai sigop do ngot si Job jana dihaulkon ia ma haul salaho tu angka anaknia i anso disesa Tuhan dosa ni halahi. Harana didok rohania betak na dung mardosa do angka dakdanaknia i jana pabilehon Debata sian na so pamotoanna.

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

AMOS 7:9

Sarsarkonon noma angka inganan na nipake ni pomparan ni si Ishak laho marsomba angka debata. Rumpakkonon ma angka inganan paribadatan ni halak Israel. AbiskononKu ma pomparan ni si Jerobeam.”

BAENON NI ANGKA RASUL 7:15

Jadi bungkas ma si Jakob tu tano Mesir jana disi ma marujung ngolunia dohot angka ompunta i.

JOSUA 24:4

dung i Hubasa-basahon tu si Ishak dua anak, i ma si Jakob dohot si Esau. Hulehen partoran Edom di si Esau gabe tano bagiannia. Tapi anggo si Jakob ompumunu i, bungkas do tu Mesir rap dohot angka anaknia.

1 SAMUEL 3:20

Hara ni i ma dibaen na sude rayat na sian sandok luat i mangoku bahaso anggo si Samuel i sada halak, panurirang ni Tuhan do.

1 SAMUEL 8:2

Anaknia siangkaan margoar si Joel, jana na paduahon si Abia. Halahi ma gabe hakim di Berseba.