PAMUNGKAAN 45:8 - BIBEL JAMITA NA DENGGAN

⁸ Jadi anggo satutuna, nanggo hamu da na manongos au tuson, tapi Debata do. Madung dibaen Debata au gabe pagawe na pargincat di raja i. Dipasahat do tu au sude kuaso na di luat on; au do na markuaso di tano Mesir on sude.

PAMUNGKAAN 45:8 ပူးပေါင်းရင်းမြစ်များ

PAMUNGKAAN 45:26

“Mangolu dope si Josep!” ning halahi ma tusia. “Ia do parkuaso ni sude Mesir!” Umbege barita i, songon na tarsonggot ma si Jakob, jana nada porsaya ia di halahi.

PAMUNGKAAN 45:5

Ulang pola mabiar hamunu sanga manyolsoli hamu hara ni na nigadismunu i au. Satutuna, Debata do da na manongos au tuson parjolo sian hamu laho mangoloi dohot paluahon bahat halak.

JOB 29:16

Gabe ama do au di halak na pogos; di halak paisolat, au ma gabe pangondian.

JESAYA 22:21

PapakehononKu ma tusia pakean dinas dohot bobatmi. PasahatonKu ma tusia sandok kuasomi. Gabe ama ma ia di halak Jerusalem dohot Juda.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

SURAT NI SI PAULUS TU PARLAGUTAN ROM 9:16

Antong nada marguru tu hagiot ni jolma, sanga pambaenan ni jolma, tapi tu holong ni roha ni Debata do.

PILEMON 1:15

Betak na on do dalanna marsirang si Onesimus santongkin sian ho, anso dapot ho do ia mangulahi salolot-lolotna.

HAKIM-HAKIM 17:10

Didok si Mika ma, “Dison sajo ma ho maringanan, anso ho gabe panuturi dohot malimnami. Hulehen pe di ho muse pakean dohot panganon songon i muse sampulu hepeng perak ganop taon.”