PAMUNGKAAN 45:6 - BIBEL JAMITA NA DENGGAN

⁶ Taon paduahon dope haleon on, jana adong dope lima taon nari na so tarbaen halak mamangkur sanga manyabi.

PAMUNGKAAN 45:6 ပူးပေါင်းရင်းမြစ်များ

PAMUNGKAAN 37:2

Jana on ma barita ni keluarga ni si Jakob: Doli-doli na marumur pitu bolas taon ma si Josep anak ni si Jakob. Dohot ma si Josep marmahani angka pahan-pahanan rap dohot angka angkangnia, tubu ni si Bilha dohot si Zilpa, rading ni amangnia. Sandok pangalaho ni angka angkangnia na so ture, dipaboa-boa ia do tu amang ni halahi i.

PAMUNGKAAN 41:35

Parentahon ma halahi laho palagutkon sude sipanganon salolot sipitu taon na denggan i jana paloas ma halahi palagutkon i di angka kota lalu manjagoisa.

PAMUNGKAAN 41:53

Jadi marujung ma sipitu taon na makmur na nidai ni Luat Mesir i.

PAMUNGKAAN 41:54

Jadi ro ma haleon potir pitu taon, tumbuk tu na nidok ni si Josep i. Masa ma haleon di na satano on, tapi anggo di tano Mesir sude adong do panganon.

PAMUNGKAAN 41:56

Mur rarat ma haleon tu sude luat. Jadi dibuka si Josep ma sude sopo jana digadis ia ma eme i tu halak Mesir.

PAMUNGKAAN 47:18

Di taon na mangihut muse, ro ma halahi tusia mandok, “Nada pola bunihononnami tu tuan i na dung abis hepengnami, jana angka pahan-pahanannami pe madung gabe tuan i nampunasa. Nada adong be diha-dihanami na tarlehen hami tu tuan i, asing sian dirinami dohot tanonami.

PAMUNGKAAN 47:23

Didok si Josep ma tu rayat i, “Ligi hamu bo, ma hutobusi hamu dohot tanomunu di raja i. On ma same sisaburonmunu di ladangmunu i.

HARURUAR 34:21

Onom ari ma lolotmu diloas markarejo, tapi anggo di ari papituhon angkon maradian do jana di hatiha ni pangkuron pe sanga di sabion angkon laing pasangaponmu do ari paradianan i.

JESAYA 30:24

Lombu jantan dohot halode na mambajak ladangmunu panganonna ma jampalan na lumomak, na nipasingkop tusi.

PANGARATAION 21:4

Angkon obanon ni halahi ma lombu i tu sada inganan di lambung ni batang aek na so jungada mahiang jana na so jungada dope tanona i diombak sanga disuani. Angkon ponggolkonon ni halahi ma disi rungkung ni lombu i.

1 SAMUEL 8:12

Deba ma i angkatonna gabe pamimpin tu saribu halak, jana na asing i tu lima pulu halak. Paksaon ni raja ma angka dakdanakmunu mamangkur ladangna, palagutkon suhana, mambaen angka sinjatana dohot parkokas ni karetana.