PAMUNGKAAN 45:3 - BIBEL JAMITA NA DENGGAN

³ Didok si Josep ma tu kahangginia i, “Si Josep do da au. Laing mangolu dope he amanta?” ning ia. Tapi dung dibege angka kahangginia i songon i, gabe sun ma biar ni halahi gabe nada taralusi halahi be bagi aha.

PAMUNGKAAN 45:3 ပူးပေါင်းရင်းမြစ်များ

PAMUNGKAAN 37:20

Tole ma ba, tabunu ma i, tadabuhon pamatangna i tu bagasan sumur na mahiang i. Tadok ma, na nisoro ni binatang riar ia. Jadi, taligi ma sanga aha do na nidok ni angka nipinia i.”

PAMUNGKAAN 42:21

Jadi mangkatai ma halahi sama halahi, “Bia do saonnari, mangae ma hita balos ni hasalaanta na tabaen maradopkon angginta na salpu i, taida do sanga na bia dangolna dihilala ia na mangido tolong ia tu hita, hape nada taampirkon. Hara ni i do umbaen na dangol taononta saonnari.”

PAMUNGKAAN 42:22

Didok si Ruben ma, “Na so hudokkon dehe lakna na baru on tu hamu, ulang tabaen na jat tu angginta i? Hape nada ditangihon hamu. Jadi manginona tu hita ma saonnari parmatenia i.”

PAMUNGKAAN 43:27

Disapai si Josep ma sanga na horas-horas do halahi, jana didok ia ma, “Madung dibaritahon hamu tu au taringot tu amanta hamu na dung matobang i – bia do baritania? Mangolu dope he ia, jana horas dope?”

JOB 23:15

Hara ni biarku mida Ia, gabe humitir do iba; mur sude hupikiri mur mabiar ma au.

JOB 4:5

Hape saonnari ho ma didondoni susa, tarsonggot ho jana nada lobas mangadopisa.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MARKUS 6:50

Gabe manyongkir ma halahi hara ni biarna. Harana sude do halahi marnida Ia, jana sude rap tarsonggot. Tapi manigor dipangkulingkon Jesus ma halahi, “Ulang hamu mabiar! Au do i.”

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

BAENON NI ANGKA RASUL 7:13

Di na kehe halahi paduanolihon, disi ma dipatandahon si Josep dirina tu angka kahanggina i. I dope anso diboto raja ni Mesir i taringot tu kahanggi ni si Josep.

BAENON NI ANGKA RASUL 9:5

“Ise dehe Ho Tuan?” ning si Saulus manyapai. Mangalusi ma sora i, “Au ma da Jesus, na niparkancitanmi.

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!