PAMUNGKAAN 45:23 - BIBEL JAMITA NA DENGGAN

²³ Ditongoskon ia ma tu amangnia i sampulu halode na maroban angka barang-barang na dumenggan sian Mesir, dohot sampulu nari halode na maroban eme, roti dohot panganon na asing panganonnia di dalan laho ro tu Mesir.

PAMUNGKAAN 45:23 ပူးပေါင်းရင်းမြစ်များ

PAMUNGKAAN 24:10

Dibuat hatoban i ma sampulu unto ni tuanna i dohot angka barang-barang na mararga, jana kehe ma ia rap dohot piga-piga halak nari hatoban na asing manopot kota na niinganan ni si Nahor najolo, i ma na di sabola Utara ni Mesopotamia.

PAMUNGKAAN 43:11

Jadi didok amang ni halahi i ma, “Muda na angkon songon i ma jadina, antong oban hamu ma suha na dumenggan sian luat on di bagasan harungmunu i baen silua di gubernur i; baen hamu ma miak na huskus saotik, aer ni loba saotik, parmasak, lajo dohot batu ni barangan.

PAMUNGKAAN 45:22

Diganopi ia muse ma halahi sude sapasang be pakean na imbaru, tapi anggo tu si Benyamin dilehen ia do tolu ratus hepeng perak dohot pakean na imbaru lima pasang.

PAMUNGKAAN 45:24

Jadi dipabuat ia ma angka kahangginia i mangulahi jana di na kehe i halahi didok ia ma tu halahi, “Ulang hamu marbadai di dalan i da!”

HARURUAR 16:3

Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”