PAMUNGKAAN 45:20 - BIBEL JAMITA NA DENGGAN

²⁰ Indangkon pola sayang roha ni halahi mida angka barang-barang sitadingkonon, angke gabe halahi do nampunasa sandok barang-barang na dumenggan di Mesir on.”

PAMUNGKAAN 45:20 ပူးပေါင်းရင်းမြစ်များ

PAMUNGKAAN 20:15

Didok raja i ma tu si Abraham, “On ma sude tanongku, pili ma sanga dia por ni rohamu ingananmu.”

PAMUNGKAAN 45:18

Tonahon ma tu halahi anso dialap halahi amanta dohot dongan sabagas ni halahi, anso mangulahi ro halahi tuson. Hulehen pe di halahi tano na dumenggan di Mesir on, jana dapot halahi ma tuk ngolu ni halahi sian suha ni tano i.

PAMUNGKAAN 45:19

Laing tonahon ma tu halahi anso maroban angka kareta sitenggeton ni ripe dohot angka dakdanak ni halahi na menek-menek, boti laho mangalap amanta.

PAMUNGKAAN 45:21

Dipatulus angka anak ni si Jakob ma sude tona i. Jadi dipasahat si Josep ma tu halahi angka kareta songon na nitonahon ni raja i songon i dohot bohal, balanjo di dalan.

PAMUNGKAAN 47:6

jadi dohot ma halahi nampuna tano Mesir on. Padiar ma da maringanan di Luat Gosen halahi, on ma lunggu-lunggu na dumenggan di luat on. Jana betak sai adong sian halahi angka na malo, baen ma halahi gabe pangurus ni pahan-pahananku.”

ESRA 9:12

Dilarang angka panurirang i do nian hami marsibuatan boru dohot angka jolma i, sanga pe mangurupi halahi mambaen sonang dohot marsonang. Muda mangoloi hami, hatabohononnami ma tano i jana pateankononnami tu pomparannami salolot-lolotna.

HARURUAR 22:7

Sanga ise na pasimpankon hepeng sanga barang sigodang arga tu donganna, hape ro panangko mambuat barang i sian bagasnia; jadi muda tardapot, angkon gararan ni panangko i dua noli lompit.

JESAYA 1:19

Muda ra hamu burju mangoloi Au, daionmunu do sandok na denggan suha ni tanomunu i.

JESAYA 13:18

Bunuon ni halahi do angka na poso dohot siorna songon i dohot pana. Nada masa ibo ni roha di halahi maradopkon dakdanak na baru sorang jana nada holong roha ni halahi mida dakdanak.

JEHESKIEL 20:17

Tapi dung i ibo do rohangKu di halahi, gabe nada tulus Hubunu halahi di parhorsihan i.

JEHESKIEL 7:4

Nada pakeonKu ibo ni roha sanga lehenonKu ampunan tu ho. UhumanKu noma ho hombar tu sandok hajorbutan na nibaenmu. Jadi gabe botoonmu ma bahaso Au do Tuhan.”

JEHESKIEL 7:9

Nada ibo rohangKu sanga ampunanKu hamu. Giot uhumanKu hamu hombar tu sude hajorbutan na nibaenmunu i. Jadi gabe botoonmunu ma bahaso Au do Tuhan jana Au do na manguhumi hamu.”

JEHESKIEL 9:5

Hubege ma didok Debata tu jolma na deba nari i, “Ihutkon hamu ma ia mandalani kota i sude jana bunu hamu ma ganop halak, ulang adong ampunanna.

MATEUS 24:17

Sanga ise na di ginjang tarup ni bagas ulang be ia mijur mambuat barang-barangnia tu bagas i.

LUKAS 17:31

“Jadi anggo di ari i, halak na topet di tarup ni bagasna, indangkon be mijur ia tu bagas i mambuat barang-barangnia na adong disi. Songon i halak na topet di balian, ulang pola mulak be ia tu bagas.

PANGARATAION 19:13

Ulang dibaen ibo ni roha tusia. Palua hamu ma Israel sian sibunu jolma i, anso sonang hamu.”

PANGARATAION 19:21

Di angka parkaro sisongon i, ulang baen hamu ibo ni roha. Angka songon on ma uhumanna: Hosa gonti ni hosa, mata gonti ni mata, ipon gonti ni ipon, tangan gonti ni tangan, jana pat gonti ni pat.”

PANGARATAION 7:16

Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.

JOSUA 7:11

Na mardosa do halak Israel. Madung Huparentahon tu halahi laho mangoloi parjanjian antara ni halahi dohot Au hape dilaosi halahi do i! Angka barang-barang sironcohononkon pe laing adong do dibuat halahi. Ditangko jana dibunihon halahi do i di antara ni barang-barang ni halahi, jana dipaula so diboto halahi ma i!

1 SAMUEL 10:22

Jadi sapa-sapa ma angka jolma i tu Tuhan, “O Tuhan, na dung dison dehe halakna i?” Dialusi Tuhan ma, “Martabuni do ia di balik ni barang-barang.”

1 SAMUEL 25:13

“Alitkon hamu ma podangmunu!” ning si Daud mamarenta jana marsibaen ma songon i. Si Daud pe dialitkon ia ma podangnia jana kehe ma ia dohot halahi hira-hira opat ratus halak bahatna, tapi anggo na dua ratus nari tinggal ma manjago barang-barang.

1 SAMUEL 30:24

Jadi sada halak pe nada tola adong manjagit usul i! Sudena angkon dapotan bagian do, sarupa be songon halak na dohot marporang.”