PAMUNGKAAN 45:2 - BIBEL JAMITA NA DENGGAN

² Dung ruar sude naposonia i, tangis ma si Josep mangandung sagogonia, pajojorkon pardangolannia jabat dibege halak Mesir ia na tangis i jana dipaboa halahi ma pangalaho i tu raja.

PAMUNGKAAN 45:2 ပူးပေါင်းရင်းမြစ်များ

PAMUNGKAAN 42:24

Ditadingkon si Josep ma halahi, tangis ma ia. Dung tarbaen mangulahi manghobari, diulahi ia ma mandapotkon halahi, jana dipiohon ia ma si Simeon, disuru ia ma na manambat si Simeon di jolo ni halahi sude.

PAMUNGKAAN 43:30

Gurgur ma holong ni roha ni si Josep mida angginia i. Jabat giot so tartahan ia be mangarajai dirinia, jadi manigor kehe ma ia masuk tu kamarnia, tangis ma ia disi.

PAMUNGKAAN 45:14

Dihaol ia ma si Benyamin angginia i tangis ma ia; si Benyamin pe antong tangis ma ia di na nihaolnia si Josep.

PAMUNGKAAN 45:15

Dung i tangis dope ia, dihaol ia ma sude angkangnia i jana diummai ia. Dung i baru ma manghata-hatai halahi dohot ia.

PAMUNGKAAN 46:29

ditengget si Josep ma karetania tu Gosen laho mangalo-alo amangnia. Di na marsuo halahi, dihaol si Josep ma amangnia i, tangis ma ia lolot.

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

BILANGAN 14:1

Sasaborngin tumatangis halak Israel hara ni na mabiar.

BAENON NI ANGKA RASUL 20:37

Martangisan ma halahi sude, dihaol halahi ma si Paulus jana diummai halahi laho paborhatkon ia.

RUT 1:9

Jana sai lomo ma roha ni Tuhan anso laing dapotan rongkapna be hamu jana marripe mangulahi.” Dung didok si Naomi songon i, diummai ia ma halahi songon na manjalangi. Tapi mamungka ma tangis si Orpa dohot si Rut,