PAMUNGKAAN 44:8 - BIBEL JAMITA NA DENGGAN

⁸ Diboto tuan i do, salangkan hepeng na dapotnami di harungnami di ginjang ni eme i, madung hami paulak tu tuan i sian Luat Kanaan. Jadi dia ma patut hami tangko muse perak sanga sere ni tuanmunu i!

PAMUNGKAAN 44:8 ပူးပေါင်းရင်းမြစ်များ

PAMUNGKAAN 42:21

Jadi mangkatai ma halahi sama halahi, “Bia do saonnari, mangae ma hita balos ni hasalaanta na tabaen maradopkon angginta na salpu i, taida do sanga na bia dangolna dihilala ia na mangido tolong ia tu hita, hape nada taampirkon. Hara ni i do umbaen na dangol taononta saonnari.”

PAMUNGKAAN 42:27

Jadi diparbornginan ni halahi, adong ma sahalak sian halahi na mambuka harung ni eme laho mangalehen mangan halodenia. Diida ia ma hepengnia i di ginjang ni eme i.

PAMUNGKAAN 42:35

Jadi dung i, diparumar halahi ma angka harung ni halahi, dapot halahi ma disi dompet ni halahi be, marisi hepeng; jadi disi diida halahi hepeng i, gabe mabiar ma halahi dohot amang ni halahi i.

PAMUNGKAAN 43:12

Oban hamu muse ma hepeng dua noli lompit sian na parjolo i, harana angkon paulahonmunu do hepeng na di bagasan harungmunu i. Betak na pasambar do i na salpu i.

PAMUNGKAAN 43:18

Disi dioban halahi masuk tu bagas ni gubernur i, mabiar be ma halahi jana marpikir, “Hara ni hepengta na nipaulakna i di bagasan angka harungta i di na ro parjolo hita tuson, hara ni i do umbaen na dioban hita tu bagas on. Hantamon ni halahi ma hita tompu, buaton ni halahi ma angka halodenta i jana baenon ni halahi ma hita gabe naposona.”

PAMUNGKAAN 44:7

Dialusi halahi ma tusia, “Na mandok bia dehe tuan i ulaning? Hami sumpahon ma, na so adong hami baen songon i!

HARURUAR 20:15

Ulang manangko.

MATEUS 19:18

“Parenta na dia ma i?” ning bayo i manyapai. Dialusi Jesus ma, “Ulang ho mamunu, ulang ho markarosuan, ulang ho manangko; ulang ho margabus.

SURAT NI SI PAULUS TU PARLAGUTAN ROM 13:9

Angke adong do tarsurat: Ulang markarosuan; ulang mamunu jolma; ulang manangko; ulang impol rohamu di sanga aha pe nampuna ni halak na asing; sudena i bope dohot angka aturan na asing i, nirahut do gabe sada aturan sajo, i ma na mandok, “Haholongi ma donganmu jolma songon pangkaholongimu di dirimu sandiri.”

PANGARATAION 5:19

Ulang manangko.