PAMUNGKAAN 44:2 - BIBEL JAMITA NA DENGGAN

² Pamasuk muse panginumanku perak i tu bagasan harung ni anggi ni halahi siampulan i dohot hepeng panggarar ni emena i.” Dibaen parkobas i ma songon na niparentahon tusia.

PAMUNGKAAN 44:2 ပူးပေါင်းရင်းမြစ်များ

PAMUNGKAAN 42:20

Dung i oban hamu ma sianggianmunu i tu au. I ma tandana na tutu na nidokmunu i, jadi nada mate uhumanku be hamu.” Jadi satuju ma halahi di usul i.

PAMUNGKAAN 42:25

Diparentahon si Josep ma anso diisi angka harung ni angkangnia dohot eme, jana hepeng ni halahi i pe dipaulak mangulahi tu bagasan ni angka harung i. Dohot muse anso dilehen panganon di halahi balanjo di dalan. Dipatulus do sude parentania i.

PAMUNGKAAN 43:32

Asing ma si Josep dioloi di sada meja na inding, jana di meja na asing ma angka kahangginia i. Angka halak Mesir na dohot mangan disi pe dioloi di meja na asing muse do, angke layas do dihilala halahi muda rap mangan dohot halak Ibrani.

PAMUNGKAAN 44:1

Jadi laing diparentahon si Josep muse ma tu kapala ni pangisi ni bagas i, “Isi hamu ma angka harung ni halahi dohot eme i sanga na sadia na tarboan halahi, jana pamasuk mangulahi hepeng ni halahi tu bagasan harungna be, di ginjang ni eme i.

PAMUNGKAAN 44:12

Tangkas ma dipareso parkobas ni si Josep i, dipungka ia ma sian harung ni siangkaan lalu tu harung ni sianggian i, jana dapot ma piala i di bagasan harung ni si Benyamin.

PAMUNGKAAN 44:3

Ancogotna i sogot dope, dipabuat si Josep ma angka kahangginia i rap dohot angka halodena i.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

2 KORINTUS 8:8

Nada songon parenta husosohon i tu hamu. Tapi na patuduhon haburjuon ni angka dongan na asing do mangalehen sumbangan laho mangurupi halak. Au pe giot ujionku do sanga na intap ni dia holong ni rohamunu.

PANGARATAION 13:3

ulang ma lehen hamu saotik pe rohamunu tusi. Na nipake ni Tuhan Debatamunu do halakna i laho manguji hamu laho marnida sanga na tutu situtu do sian sandok roha dihaholongi hamu Tuhan.

PANGARATAION 8:16

Di parhorsihan i dilehen Ia do manna gabe sipanganonmunu, i ma sipanganon na so jungada humani dope dipangan ompumunu di jolo ni i. Diparo Ia angka hamaolon tu dirimunu laho manguji hamu anso di ujungna tarbaen Ia mamasumasu hamu dohot rasoki.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.