PAMUNGKAAN 44:18 - BIBEL JAMITA NA DENGGAN

¹⁸ Jadi ro ma si Juda tu jolo ni si Josep jana didok ia ma, “Ampun tuannami, paloas au jolo mandok hata tu tuan i. Ulang muruk tuan i tu au; sarupa do huetong tuan i dohot raja i sandiri.

PAMUNGKAAN 44:18 ပူးပေါင်းရင်းမြစ်များ

PAMUNGKAAN 18:30

Didok si Abraham ma, “Ulang Ho muruk ale Tuhan, angkon laing mandok hata dope au mangulahi. Bia sugari adong hum tolu pulu halak sajo?” Dialusi Tuhan i ma, “Muda adong dapot Au tolu pulu halak nada patulusonKu i.”

PAMUNGKAAN 18:32

Didok si Abraham ma, “Ulang ma da muruk Ho ale Tuhan, hum sanoli on noma dokkononku. Bia muda adong dapot hum sampulu halak sajo?” Didok Tuhan ma, “Muda adong sampulu halak na so marsala, nada pola abiskononKu kota i.”

PAMUNGKAAN 37:6

Songon on ma didok si Josep tu halahi, “Tangihon hamu ma jolo!

PAMUNGKAAN 37:7

Marnipi au, hatiha di ladang hita sude manambati angka sagean ni gandum, jadi gabe jongjong ma da sagean ni gandum na hutambati i tigor. Anggo angka na nitambatanmunu i markaliang ma tu na hutambat i marsomba.”

PAMUNGKAAN 37:8

“Ning rohamu ma lakna gabe ho na giot mangarajai hami?” ninna angka angkangnia i manyapai ia. Jadi mur tamba ma goyak ni roha ni halahi mida ia hara ni angka na nidoknia i.

PAMUNGKAAN 41:40

Huangkat ma ho gabe kapala di bagas godangku, dung i muse oloan ni rayatkon ma parentamu. Hum au noma di ginjang ni kuasomu.”

PAMUNGKAAN 41:44

Didok raja i ma tusia, “Au do raja – jana au ma mandok, bahaso na so tola sanga ise di tano Mesir on sude mambaen sanga aha anggo na so adong isin sian ho.”

PAMUNGKAAN 44:17

Ning si Josep ma, “Ah, nada le! Nada ra au mambaen songon i! Hum na maroban piala i sajo do na gabe hatobanku. Anggo hamu na asing i, bolas do mulak tu amanta hamu. Horas ma!”

2 SAMUEL 14:12

Dung i didok anakboru i ma, “Sugari laing dipatola raja i ma au mandok hata saotik nari.” “Denggan,” ninna raja i mangalusi.

ESTER 1:12

Tapi di na nipalalu ni angka pangoloi i parenta ni raja i tu Ratu Wasti, nada ra Ratu i ro. Jadi gabe sun ma muruk ni raja i.

JOB 33:31

Jadi tangihon ma jolo da Job, patinggil pinggolmu lalu pahohom, saonnari mandok hata jolo au.

MASMUR 79:5

Ale Tuhan, torus noma lakna Ho muruk, jana sai marapi purun hamumurukMu?

HARURUAR 32:22

Dialusi si Harun ma, “Ulang ma da antong tu au ho muruk; diboto ho do tangkas sanga na songon dia jahat ni bangso on.

PODA 19:12

Songon parngaur ni singa do parmuruk ni raja; tapi songon nambur tu suan-suanan do haburjuonna.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

DANIEL 5:19

Songon i ma antong godangnia, jabat do angka jolma sian sandok bangso, marga ni bangso dohot hata na marragam-ragam, humitir jana mabiar tusia. Muda por rohania mamunu jolma, dibunu ia sajo do halakna i. Dipasangap sanga dipalayas ia do sanga na ise sajo giot ni rohania.

JOHANNES 5:22

Nada mandabu uhum anggo Ama i sandiri sanga na tu ise pe. Angke anggo kuaso laho mandabu uhum, na dung dipasahat do i di AnakNa i.

BAENON NI ANGKA RASUL 2:29

Hamu ale angka dongan, paloas hamu ma au, pajojorkon satangkas-tangkasna taringot tu si Daud ompunta i. Madung mate ia, jana madung dikuburkon; di hita on do kuburannia lopus tu sadari on.