PAMUNGKAAN 44:16 - BIBEL JAMITA NA DENGGAN

¹⁶ “Aha be na tardok hami tu hamu, tuannami?” ning si Juda mangalusi. “Bia ma baenonnami mandok i na so tutu? Bia ma baenonnami mandok na tigor hami? Madung diungkap Debata hasalaannami i! Saonnari anggo hami, naposomu noma, jadi nanggo hum ia na tardapot maroban piala ni tuan i.”

PAMUNGKAAN 44:16 ပူးပေါင်းရင်းမြစ်များ

PAMUNGKAAN 37:7

Marnipi au, hatiha di ladang hita sude manambati angka sagean ni gandum, jadi gabe jongjong ma da sagean ni gandum na hutambati i tigor. Anggo angka na nitambatanmunu i markaliang ma tu na hutambat i marsomba.”

PAMUNGKAAN 37:9

Dung i marnipi ma si Josep mangulahi, jana didok ia ma tu angka angkangnia i, “Marnipi muse do au mangulahi, songon na huida mataniari, bulan dohot sabolas bintang marsomba tu au.”

PAMUNGKAAN 44:17

Ning si Josep ma, “Ah, nada le! Nada ra au mambaen songon i! Hum na maroban piala i sajo do na gabe hatobanku. Anggo hamu na asing i, bolas do mulak tu amanta hamu. Horas ma!”

PAMUNGKAAN 44:32

Sada muse, na dung hupasahat do ngolungku tu amanta hami songon jaminan ni dakdanak on. Ma hudok tusia; muda nada huoban mulak dakdanak on tusia, au ma mananggung sala lopus mate au.

PAMUNGKAAN 44:9

Betak sai tardapot tuan i barang i di sada halak sian hami, padiar ma mate niuhum, jana hami on pe padiar ma gabe hatobanmu.”

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

ESRA 9:10

Hape saonnari, ale Tuhan Debata, dung sidung sudena i, aha be sidokkononnami? Madung hami pasiding mangulahi angka parentaMu,

ESRA 9:15

O Tuhan Debata ni Israel, na tigor do Ho, haru songon i pe laing dipadiar Ho do hami mangolu. Hami oku ma hasalaannami tu Ho; nada marhak hami ro tu parmiananMu.”

PODA 17:15

Dihagigihon Tuhan do na patigorkon halak na so hasaya, jana na pasalahon halak na so marsala.

PODA 28:17

Halak na mamunu jolma, na mangkojar hamatean do i, ulang ma adong na manolong ia.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JESAYA 5:3

Jadi saonnari didok donganKi ma, “Hamu sude halak Jerusalem dohot Juda, hamu ma jolo mangadili antara kobun anggurKu dohot Au.

DANIEL 9:7

Ale Tuhan, sai tongtong denggan jana tigor do pambaenanMu, tapi anggo hami sai tongtong do mambaen tilako tu dirinami, i ma hami sude na maringanan di Juda dohot di Jerusalem maradu sude dongannami sabangso na nipaserakMu tu angka luat na dao dohot na donok hara ni na so unduk halahi tu Ho.

BILANGAN 32:23

Tapi ingot hamu ma! Muda nada dipatulus hamu janjimunu i, mardosa ma hamu di Tuhan. Jadi ulang baen be na sala, anso ulang hona uhum hamu hara ni dosamunu.

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

LUKAS 12:2

Nada adong bagi aha na tutup na so ungkap muse, sanga na buni na so binoto muse.

BAENON NI ANGKA RASUL 2:37

Jadi dung dibege angka jolma i na songon i, manorusi ma tu ate-ate ni halahi. Dung i disapai halahi ma tu si Petrus dohot tu angka rasul na asing i, “Hamu angka dongan, aha noma sibaenonnami?”

PANGARATAION 25:1

Adong ma umpamana dua halak Israel na kehe tu pangadilan laho pauruskon sada parsalisian, gabe didok ma na so marsala na sada jana na sada nari i marsala.

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 7:18

Dung i dipaadop si Josua ma ripe ni si Zabdi marsasahalak, jadi hona ma si Akan anak ni si Karmi, pahompu ni si Zabdi.

HAKIM-HAKIM 1:7

Didok si Adoni-Besek, “Najolo madung hugotap inang ni jari ni pat dohot tangan ni pitu pulu raja, jana hupadiar halahi mangan sian teba-teba ni sipanganon na madabu sian mejangku. Saonnari dibaen Debata ma tu au dos songon na hubaen tu halahi.” Dioban do muse si Adoni-Besek on tu Jerusalem jana disi ma marujung ngolunia.